कुपवाड : कुपवाड औद्योगिक वसाहतीमध्ये मोठी फसवणूक झाल्याचे उघडकीस आले असून कुपवाड एमआयडीसीतील एका कंपनीला तब्बल 19 लाख 9 हजार 122 रुपयांचा फटका बसला आहे. पैसे भरल्यानंतरही मालाचा ट्रक पोहोचला नाही, असा प्रकार समोर आला आहे.
भारत इलेक्ट्रिकल कॉन्ट्रॅक्टर अँड मॅन्युफॅक्चरर्स प्रा. लि. या कंपनीने छत्तीसगडमधील भिलाई येथील अरिहंत सेल्स नेटवर्क या पुरवठादाराकडून सुमारे 30 टन लोखंडी तार (जी.आय. वायर, स्टे वायर व बारबेड वायर) खरेदी केली होती. या मालासाठी 9 मार्च 2025 रोजी पूर्ण रक्कम अदा करण्यात आली होती.
मालाने भरलेला ट्रक (क्र. MH 26 BE 3811) कुपवाड एमआयडीसीकडे रवाना करण्यात आल्याचे सांगण्यात आले. मात्र संबंधित ट्रक कुपवाडला पोहोचला नाही. चौकशीदरम्यान हा ट्रक नागपूरजवळील बुटीबोरी परिसरातून परस्पर वळवण्यात आल्याचा संशय व्यक्त करण्यात आला आहे.
याप्रकरणी कंपनीचे व्यवस्थापक संतोष पाटील यांनी कुपवाड पोलिस ठाण्यात तक्रार दिली आहे. त्यानुसार उत्कर्ष जैन (अरिहंत सेल्स नेटवर्क, भिलाई, छत्तीसगड) याच्याविरुद्ध फसवणुकीचा गुन्हा दाखल करण्यात आला आहे. कुपवाड एमआयडीसी पोलिसांकडून ट्रक व मालाचा शोध सुरू आहे.
हेही वाचा: 16 फेब्रुवारीपर्यंतच संधी! सांगली पोलिस भरती गुणांकाबाबत हरकत नोंदवण्यासाठी उरले फक्त 2 दिवस.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
