सांगली : पलूस तालुक्यातील मोराळे गावातील 24 वर्षीय तरुणाचा रेल्वे पोलिस भरती प्रक्रियेदरम्यान 1,600 मीटर धावताना मृत्यू झाल्याची दुःखद घटना शनिवारी सकाळी छत्रपती संभाजीनगर येथे घडली.
मिळालेल्या माहितीनुसार, रेल्वे पोलिस भरतीसाठी छत्रपती संभाजीनगर येथे पोलिस परेड मैदानावर शारीरिक चाचणी सुरू होती. धाव पूर्ण करण्याच्या काही क्षणांपूर्वी संबंधित तरुण अचानक कोसळला. उपस्थित वैद्यकीय पथकाने तत्काळ प्राथमिक उपचार करून त्याला शासकीय वैद्यकीय रुग्णालयात दाखल केले; मात्र उपचारादरम्यान त्याचा मृत्यू झाला.
रेल्वे पोलिस दलात 93 पदांसाठी भरती प्रक्रिया सुरू असून शनिवारी 907 उमेदवारांची मैदानी चाचणी नियोजित होती. अधिकाऱ्यांच्या माहितीनुसार, भरती ठिकाणी वैद्यकीय पथक, रुग्णवाहिका आणि आवश्यक सुविधा उपलब्ध होत्या.
अपघाती मृत्यू म्हणून या घटनेची नोंद करण्यात आली असून शवविच्छेदन अहवालानंतर मृत्यूचे नेमके कारण स्पष्ट होणार आहे.
हेही वाचा : पाणी मागण्याचा बहाणा करून घरात प्रवेश; वांगीत 75 वर्षीय वृद्धेची बोरमाळ हिसकावणारे दाम्पत्य अटकेत, तीन गुन्हे उघड.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
