पेठ : सांगली जिल्ह्यातील शिराळा व वाळवा तालुक्यात बिबट्याची दहशत कायम असून पेठ-नायकलवाडी रस्त्यावर बिबट्याने दोन दुचाकींवर झडप घालून हल्ला केल्याची घटना घडली आहे. या हल्ल्यात 12 वर्षीय मुलासह तिघे जखमी झाले आहेत.
मिळालेल्या माहितीनुसार, पेठ येथील यात्रेहुन करमाळा गावाकडे परतत असताना विकास रघुनाथ पाटील यांच्या दुचाकीवर अंधारात अचानक बिबट्याने झडप घातली. या हल्ल्यात विकास पाटील यांच्या उजव्या पायाला बिबट्याचे दात लागून ते जखमी झाले, तर त्यांच्या मागे बसलेल्या 12 वर्षीय विराज विकास पाटील याच्या गुडघ्याला पंजा लागल्याने तोही बिबट्याच्या हल्ल्यात जखमी झाला.
घटनेनंतर काही वेळातच त्याच परिसरातून जाणाऱ्या आणखी एका दुचाकीस्वारावर बिबट्याने झडप घातल्याची माहिती स्थानिकांनी दिली. दुसऱ्या हल्ल्यात प्रकाश शंकर मुळीक यांच्या दुचाकीवरही हल्ला झाला असून त्यांच्या पायाला किरकोळ इजा झाली आहे.
जखमींना तातडीने इस्लामपूर येथील शासकीय रुग्णालयात दाखल करण्यात आले आहे. वन विभागाच्या अधिकाऱ्यांनी रुग्णालयात दाखल होऊन घटनेची माहिती घेतली.
दरम्यान, गेल्या महिन्यातही या परिसरात बिबट्याच्या हल्ल्याच्या घटना घडल्या होत्या. वारंवार होत असलेल्या बिबट्याच्या हल्ल्यामुळे परिसरातील नागरिकांमध्ये भीतीचे वातावरण आहे. वन विभागाने रात्री प्रवास करताना सतर्कता बाळगण्याचे आवाहन केले आहे.
हेही वाचा: मिरजेत आईकडून पैशासाठी दोन बालकांची विक्री; नवजात मुलीच्या विक्रीचा प्रयत्न, पाच जणांविरुद्ध गुन्हा दाखल.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
