मिरज : कुपवाड-तानंगहून मिरजकडे जाणाऱ्या मुख्य रस्त्यावर शुक्रवारी सकाळी झालेल्या अपघातात दुचाकीस्वार गंभीर जखमी झाला. अचानक वळण घेतलेल्या मालवाहू टेम्पोला दुचाकीची मागून जोरदार धडक बसल्यानंतर दुचाकीस्वार समोरून येणाऱ्या आयशर टेम्पोखाली सापडल्याने ही दुर्घटना घडली.
राजेश शिवलिंग पाटील (वय 35, रा. महादेव मंदिरामागे, बेडग ता. मिरज) असे जखमीचे नाव आहे. सकाळी सुमारे आठ वाजण्याच्या सुमारास ते एमएच 10 सीई 8104 क्रमांकाच्या दुचाकीवरून तानंग मार्गे बेडगकडे जात होते.
तासगाव फाट्याजवळ छोट्या टेम्पोने (एमएच 11 सीएच 3552) अचानक वळण घेतल्याने पाटील यांच्या दुचाकीची टेम्पोच्या मागील बाजूस धडक बसली. धडकेनंतर पाटील रस्त्यावर कोसळले आणि समोरून येणाऱ्या आयशर टेम्पो (एमएच 09 जीएच 1566) खाली सापडले. टेम्पो चालकाने ब्रेक लावूपर्यंत ते रस्त्यावर काही अंतर फरफटत गेल्याने पाटील गंभीर जखमी झाले.
या प्रकरणी आयशर टेम्पो चालक भारत लक्ष्मण माने (वय 39, रा. बेडग ता. मिरज) याच्याविरुद्ध कुपवाड पोलिस ठाण्यात गुन्हा दाखल करण्यात आला असून पोलिसांकडून पुढील तपास सुरू आहे.
हेही वाचा: सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
