आटपाडी : तालुक्यातील दिघंची येथील बसस्थानकाजवळ असलेल्या संजय अँग्रो सेल्स या इलेक्ट्रिकल साहित्याच्या दुकानाचे शटर उचकटून अज्ञात चोरट्यांनी 1 लाख 21 हजार 700 रुपयांचा ऐवज लंपास केल्याची घटना उघडकीस आली आहे. घटनेमुळे परिसरातील व्यापाऱ्यांमध्ये चिंता व्यक्त केली जात आहे.
28 फेब्रुवारी रात्री 9 ते 1 मार्च सकाळी 6.53 या कालावधीत ही चोरी घडल्याचे पोलिसांत नोंद आहे.
दुकान मालक सुभाष रामचंद्र जरे (वय 45, रा. दिघंची) यांनी दिलेल्या फिर्यादीनुसार, 28 फेब्रुवारी रोजी नेहमीप्रमाणे रात्री दुकान बंद करून ते घरी गेले होते. दुसऱ्या दिवशी सकाळी त्यांच्या पुतण्याने फोन करून दुकानाचे शटर उचकटले असल्याची माहिती दिली. त्यानंतर जरे यांनी दुकानात जाऊन पाहणी केली असता शटर उचकटलेले असल्याचे दिसले.
दुकानात प्रवेश करून पाहिले असता कॉपर तार आणि विविध प्रकारच्या कॉपर केबल्स जागेवर नसल्याचे निदर्शनास आले. तसेच दुकानातील ड्रॉवर उघडा असून त्यातील 5 हजार रुपये रोख रक्कमही गायब होती.
चोरीस गेलेल्या मालामध्ये सुमारे 45 किलो कॉपर तार, 2.5 एमएम आणि 4 एमएम कॉपर केबल, तसेच 2 कोअर कॉपर केबलचा समावेश आहे. रोख रकमेसह एकूण 1,21,700 रुपयांचा ऐवज चोरीस गेल्याची नोंद आहे.
आटपाडी पोलिस ठाण्यात या प्रकरणी अज्ञात चोरट्याविरुद्ध गुन्हा नोंद करण्यात आला असून पुढील तपास सुरू आहे.
गुन्हे विषयक आणखी बातम्या वाचा : Sangli Crime News In Marathi.
हेही वाचा: सांगली महानगरपालिका भरतीच्या नावाने फसवणूक? सोशल मीडियावरील जाहिराती खोट्या.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
