मिरज : दोन वर्षांपूर्वी झालेल्या किरकोळ वादातून मिरज शहरात भरदिवसा एका दुकानाची कोयत्याने तोडफोड केल्याची घटना घडली. या प्रकरणी मिरज शहर पोलिसांनी प्रथमेश तांदळे (वय 28, रा. कमानवेस, मिरज) या सराईत गुन्हेगाराला अटक केली आहे.
मिळालेल्या माहितीनुसार, शहरातील कर्मवीर भाऊराव पाटील चौक परिसरात मनोज चव्हाण यांचे ‘मनोज कलेक्शन’ नावाचे दुकान आहे. सुमारे दोन वर्षांपूर्वी प्रथमेश तांदळे हा दुकानात गॉगल खरेदीसाठी आला होता. त्यावेळी पाचशे रुपयांत दोन गॉगल देण्याची मागणी केल्याने दुकानदार आणि त्याच्यात वाद झाला होता.
याच जुन्या वादातून बुधवारी सायंकाळी प्रथमेश तांदळे हा कोयता घेऊन दुकानात आला. त्याने सुरुवातीला दुकानाबाहेर ठेवलेल्या रॅकवर हल्ला केला आणि त्यानंतर दुकानाच्या काचेवर कोयत्याने वार करून काच फोडली. तसेच दुकानदार मनोज चव्हाण यांना ‘येथे धंदा करू देणार नाही’ अशी धमकी देऊन तेथून पळ काढला.
दरम्यान, ही संपूर्ण घटना दुकानाबाहेरील सीसीटीव्ही कॅमेऱ्यात कैद झाली होती. घटनेची माहिती मिळताच मिरज शहर पोलिसांनी तपास सुरू करून आरोपी प्रथमेश तांदळे याला ताब्यात घेतले. त्याच्या घरावर छापा टाकून हल्ल्यात वापरलेला कोयता जप्त करण्यात आला.
या कारवाईत मिरज शहर पोलिस ठाण्याचे निरीक्षक किरण चौगले, गुन्हे प्रकटीकरण शाखेचे सहायक निरीक्षक भैरवनाथ पाटील आणि त्यांच्या पथकाने सहभाग घेतला.
येथे वाचा: Sangli Crime News Today.
हेही वाचा: म्हैसाळ यात्रेत पार्क केलेली मोटारसायकल चोरी; वैरण बाजार परिसरातील प्रकार.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
