सांगली : सांगलीतील पद्मभूषण वसंतदादा पाटील शासकीय रुग्णालयात प्रसूतीनंतर नवजात बाळाला रुग्णालयातच सोडून एक महिला निघून गेल्याची धक्कादायक घटना समोर आली आहे. याप्रकरणी विश्रामबाग पोलिस ठाण्यात गुन्हा दाखल करण्यात आला आहे.
रुग्णालय प्रशासनाने दिलेल्या माहितीनुसार, 25 नोव्हेंबर 2025 रोजी कर्नाटकातील 25 वर्षीय महिला प्रसूतीसाठी सांगलीच्या शासकीय रुग्णालयात दाखल झाली होती.
दुसऱ्या दिवशी 26 नोव्हेंबर रोजी त्यांनी एका मुलाला जन्म दिला. मात्र नवजात बाळाची प्रकृती गंभीर असल्याने त्याला रुग्णालयातील एनआयसीयु विभागात उपचारासाठी दाखल करण्यात आले होते.
दरम्यान, 3 डिसेंबर रोजी दुपारी सुमारे 1 वाजता संबंधित महिला कोणालाही न सांगता रुग्णालयातून निघून गेल्याचे आढळून आले. त्यानंतर रुग्णालय कर्मचाऱ्यांनी परिसरात शोध घेतला, मात्र ती परत आली नाही.
या प्रकरणी रुग्णालय प्रशासनाच्या तक्रारीवरून विश्रामबाग पोलिस ठाण्यात गुरुवार (दि. 6 मार्च) रोजी गुन्हा दाखल करण्यात आला असून पुढील तपास सुरू आहे.
हेही वाचा: माधवनगरमध्ये घरासमोरून दुचाकी चोरी; संजयनगर पोलिसांत गुन्हा दाखल.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
