सांगली : जिल्ह्यात एलपीजी गॅसचा पुरवठा सुरळीत राहावा आणि घरगुती गॅसचा अवैध वापर रोखण्यासाठी जिल्हा प्रशासनाने कारवाई सुरू केली आहे. या कारवाईदरम्यान ३७ गॅस एजन्सी आणि ३१ हॉटेल्सची तपासणी करण्यात आली असून ७१ हजार २०० रुपयांचा मुद्देमाल जप्त करण्यात आला आहे. तसेच ३ गॅस एजन्सींवर गुन्हे दाखल करून ३ जणांना अटक करण्यात आली आहे.
जिल्हाधिकारी अशोक काकडे यांनी दिलेल्या माहितीनुसार, आखाती देशांमध्ये सुरू असलेल्या युद्धाच्या पार्श्वभूमीवर इंधन पुरवठ्याबाबत नागरिकांमध्ये निर्माण होणाऱ्या शंकांच्या पार्श्वभूमीवर प्रशासनाने दक्षता पथके नियुक्त केली आहेत.
या पथकांमार्फत जिल्ह्यातील गॅस एजन्सी आणि हॉटेल्सची तपासणी करण्यात आली. तपासणीदरम्यान घरगुती एलपीजीचा व्यावसायिक वापर होत असल्याचे आढळून आल्याने कारवाई करण्यात आली.
सध्या सांगली जिल्ह्यात एचपीसीएलचा ३६६२ मेट्रिक टन, बीपीसीएलचा १०३९ मेट्रिक टन आणि आयओसीएलचा ५७ मेट्रिक टन एलपीजी साठा उपलब्ध असल्याचे प्रशासनाने स्पष्ट केले आहे. त्यामुळे जिल्ह्यात घरगुती गॅसचा पुरवठा सुरळीत सुरू राहणार असल्याचे सांगण्यात आले.
तसेच घरगुती गॅसचा अवैध वापर किंवा गैरमार्गाने पुरवठा होत असल्याचे आढळल्यास संबंधितांवर कठोर कारवाई करण्यात येईल, असा इशाराही प्रशासनाने दिला आहे.
हेही वाचा: सांगली-मिरज-कुपवाड महापालिकेत समित्यांचे सभापती बिनविरोध; अतुल माने स्थायी समितीचे सभापती.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
