सांगली : परदेशात उच्च शिक्षण घेण्याचे स्वप्न पाहणाऱ्या अनुसूचित जातीच्या (SC) विद्यार्थ्यांसाठी मोठी संधी उपलब्ध झाली आहे. महाराष्ट्र शासनाच्या सामाजिक न्याय विभागामार्फत परदेशात शिक्षणासाठी शिष्यवृत्ती योजना राबविण्यात येत आहे.
या योजनेअंतर्गत विद्यार्थ्यांना परदेशातील नामांकित “QS टॉप 200” विद्यापीठांमध्ये पदव्युत्तर (PG) किंवा पीएचडी शिक्षण घेण्यासाठी आर्थिक मदत दिली जाणार आहे.
शिष्यवृत्तीमध्ये शिक्षण शुल्क, राहण्याचा खर्च, विमान प्रवास आणि विमा यांसारख्या खर्चांचा समावेश असून या योजनेमुळे विद्यार्थ्यांवरील आर्थिक भार मोठ्या प्रमाणात कमी होणार आहे.
या योजनेसाठी अर्ज करणारा विद्यार्थी अनुसूचित जातीचा असावा. पदव्युत्तर शिक्षणासाठी वय 35 वर्षांपर्यंत आणि पीएचडीसाठी 40 वर्षांपर्यंत मर्यादा आहे. तसेच कुटुंबाचे वार्षिक उत्पन्न 8 लाख रुपयांपेक्षा कमी असणे आवश्यक आहे.
इच्छुक विद्यार्थ्यांनी शासनाच्या socialjustice-fs.trti-maha.in या अधिकृत संकेतस्थळावर ऑनलाइन अर्ज करावा, अधिक माहितीसाठी संपर्क – सहाय्यक आयुक्त, समाज कल्याण, सांगली.
हेही वाचा: सांगलीतील ‘या’ भागांत शनिवारी पाणी येणार नाही? मुख्य जलवाहिनीची दुरुस्ती सुरू.
- सांगलीत विद्यार्थ्यांसाठी मोठी संधी; परदेशात शिक्षणासाठी शिष्यवृत्ती, खर्च सरकार करणार
- सांगलीतील ‘या’ भागांत शनिवारी पाणी येणार नाही? मुख्य जलवाहिनीची दुरुस्ती सुरू
- सांगलीत महिलांसाठी मोठी संधी; 900 महिलांना व्यवसाय प्रशिक्षण, 1.62 कोटींचा निधी
- सांगलीत महिला रोजगार मेळावा; 300+ नोकऱ्या, फक्त 2 दिवस बाकी
- आटपाडी : निंबवडे येथे चरित्र्याच्या संशयावरून लाकडाने मारहाण करून पत्नीची हत्या; पतीविरुद्ध गुन्हा दाखल
- सांगलीत विवाहासाठी 20 हजारांची मदत; कुणाला मिळणार लाभ? जाणून घ्या
