सांगली : जिल्ह्यात राबविण्यात आलेल्या हुंडामुक्ती अभियानाला सकारात्मक प्रतिसाद मिळत असून तब्बल 1169 लग्नांमध्ये हुंडा नाकारल्याची नोंद झाली आहे.
महिला व बालविकास विभागाच्या माध्यमातून राबविण्यात आलेल्या या मोहिमेत अंगणवाडी सेविकांनी गावपातळीवर जनजागृती करून महत्त्वाची भूमिका बजावली. हुंडा घेणार नाही आणि देणार नाही, असा विचार समाजात रुजवण्याचा प्रयत्न या माध्यमातून करण्यात आला.
या मोहिमेअंतर्गत लग्नावेळी दोन्ही कुटुंबांकडून हुंडा न घेतल्याचे प्रतिज्ञापत्र घेण्यात आले. जिल्हाभरातून अशा एकूण 1169 प्रतिज्ञापत्रांची नोंद झाली आहे.
ग्रामस्तरावर प्रभावी काम करणाऱ्या 39 अंगणवाडी सेविकांचा यावेळी सन्मान करण्यात आला. हुंडा प्रथा रोखण्यासाठी जनजागृती, ग्रामसभांमधून प्रबोधन आणि सामाजिक बदल घडवण्याचा प्रशासनाचा प्रयत्न सुरु आहे.
या उपक्रमामुळे ग्रामीण भागात हुंडा न घेण्याचा विचार वाढताना दिसत असून जिल्ह्यात सामाजिक बदलाची सकारात्मक चिन्हे दिसत आहेत.
हेही वाचा: सांगलीत मुलींचा जन्मदर घटतोय? जिल्हाधिकाऱ्यांचा इशारा; जनजागृती मोहिमेचे आदेश.
- संखमध्ये महावितरण कर्मचाऱ्याचा गोळ्या झाडून खून; तीन तासांत दोघांना अटक
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
- सांगलीत डॉ. बाबासाहेबांचे जगातील सर्वात मोठे, पहिले रियलॅस्टिक मल्टी-कलर स्ट्रिंग आर्ट
- जतजवळ ट्रेलरची दुचाकीला धडक; 25 वर्षीय तरुणाचा मृत्यू
- सांगलीतील 152 ग्रामपंचायतींची प्रभाग रचना बदलणार? 13 एप्रिलपर्यंत हरकती नोंदवता येणार
- जत : उमदीजवळ भीषण अपघात; ट्रकच्या धडकेत कार चालकाचा मृत्यू, सहा जखमी
