सांगली : ईश्वरपूर ते सांगली मार्गावर गोटखिंडी फाटा परिसरात झालेल्या अपघातात दुचाकीवरील दाम्पत्य जखमी झाले असून धडक देणारा चारचाकी चालक फरार झाल्याची घटना घडली आहे.
तक्रारदार रशिद मगदुम (वय 68) रा. ख्वाजा सह्याद्री नगर, सांगली यांनी दिलेल्या माहितीनुसार, ते आणि त्यांची पत्नी कामेरी येथून परत येत असताना सायंकाळी सुमारे 5 वाजता हॉटेल यशवंतजवळ त्यांच्या दुचाकीला पाठीमागून आलेल्या पांढऱ्या रंगाच्या वॅगनआर कारने जोरदार धडक दिली.
या धडकेत ते दोघेही रस्त्यावर पडून अंदाजे 20 फूट फरपटत गेले. यात रशिद मगदुम यांना डोके, खांदा व हाताला दुखापत झाली असून त्यांच्या पत्नीलाही मार लागला आहे.
अपघातानंतर संबंधित वाहनचालक न थांबता घटनास्थळावरून निघून गेला. स्थानिकांच्या मदतीने जखमींना तातडीने रुग्णालयात दाखल करण्यात आले.
या प्रकरणी अज्ञात वाहनचालकाविरुद्ध आष्टा पोलीस ठाण्यात गुन्हा नोंद करण्यात आला असून पुढील तपास सुरू आहे.
हेही वाचा: शिरढोणजवळ भीषण अपघात; कोल्हापूरच्या दांपत्याचा जागीच मृत्यू.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
