सांगली : सांगली, मिरज आणि कुपवाड महापालिकेचे आयुक्त सत्यम गांधी यांची बदली करण्यात आली असून त्यांच्या जागी संजीता मोहपात्रा या नव्या आयुक्त म्हणून पदभार स्वीकारणार आहेत.
सत्यम गांधी यांची अमरावती जिल्हा परिषदेच्या मुख्य कार्यकारी अधिकारीपदी नियुक्ती करण्यात आली आहे. त्यांनी एप्रिल 2025 पासून महापालिकेचे आयुक्त म्हणून काम पाहिले.
त्यांच्या कार्यकाळात महापालिकेत प्रशासकीय सुधारणा, आर्थिक शिस्त आणि कामकाजातील पारदर्शकतेवर भर देण्यात आला. तसेच अतिक्रमणांवर कारवाई, कर वसुली मोहिमा आणि प्रलंबित प्रकल्पांना गती देण्याचे काम करण्यात आले.
दरम्यान, संजीता मोहपात्रा या 2019 बॅचच्या आयएएस अधिकारी असून त्यांनी अमरावती जिल्हा परिषदेत मुख्य कार्यकारी अधिकारी म्हणून काम केले आहे. आता त्या सांगली महापालिकेच्या आयुक्त म्हणून जबाबदारी स्वीकारणार आहेत.
हेही वाचा: सांगलीत 3 ते 5 एप्रिल विशेष मतदार कॅम्प; नाव, माहिती तपासण्याची संधी.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
