सांगली टुडे आर्थिक विशेष: दिवाळी सणाचा मुख्य खरेदीचा काळ सुरू होण्यासाठी आता अवघे दोन ते तीन दिवस उरले आहेत. धनत्रयोदशी आणि लक्ष्मीपूजनाच्या मुहूर्तावर सोने खरेदी करण्यासाठी सराफा बाजारात ग्राहकांची मोठी गर्दी पाहायला मिळत आहे. सणासुदीच्या पार्श्वभूमीवर सोन्याचे भाव विक्रमी पातळीवर पोहोचतील अशी धास्ती ग्राहकांच्या मनात होती. मात्र, आंतरराष्ट्रीय बाजारपेठेतील घडामोडींमुळे वायदा बाजारात (MCX) सोने आणि चांदीच्या किमतींमध्ये घसरण नोंदवली गेली आहे. ऐन मुहूर्ताच्या खरेदीच्या वेळी भाव नियंत्रणात असल्याने दागिने, वेढणी किंवा नाणी घेणाऱ्या सर्वसामान्यांना चांगला दिलासा मिळाला आहे.
जागतिक बाजारात अमेरिकन डॉलर आणि रोखे बाजारातील हालचालींमुळे सोन्यावर दबाव निर्माण झाला आहे. याचा थेट परिणाम देशांतर्गत सराफा बाजारावर दिसून येत असून, आज २८ ऑक्टोबर रोजी महाराष्ट्रातील प्रमुख सराफा पेढ्यांमध्ये २२ कॅरेट आणि २४ कॅरेटचे अधिकृत दर समोर आले आहेत.
पीएनजीचे आजचे सोन्या-चांदीचे दर (PNG Latest Gold Rates)
महाराष्ट्रभरातील ग्राहकांची पसंती असलेल्या ‘पी. एन. गाडगीळ अँड सन्स’च्या (PNG) आज सकाळी १०:२८ वाजता जाहीर झालेल्या अधिकृत दरपत्रकानुसार ताजे भाव खालीलप्रमाणे आहेत:
- २४ कॅरेट शुद्ध सोने (९९९): १४,३०० रुपये प्रति ग्रॅम (१० ग्रॅम तोळ्यासाठी १,४३,००० रुपये).
- २४ कॅरेट सोने (९९५): १४,२७० रुपये प्रति ग्रॅम (१० ग्रॅमसाठी १,४२,७०० रुपये).
- २२ कॅरेट दागिने सोने: १३,१५६ रुपये प्रति ग्रॅम (१० ग्रॅमसाठी १,३१,५६० रुपये).
- १८ कॅरेट सोने: ११,०८३ रुपये प्रति ग्रॅम (१० ग्रॅमसाठी १,१०,८३० रुपये).
- १४ कॅरेट सोने: ८,५८० रुपये प्रति ग्रॅम.
- चांदी (Silver): १९७ रुपये प्रति ग्रॅम (१ किलो चांदीसाठी १,९७,००० रुपये).
- चांदीचे नाणे (Silver Coin): २०० रुपये प्रति ग्रॅम.
(महत्त्वाची टीप: वरील दर हे सराफा बाजारातील पायाभूत दर आहेत. दुकानात प्रत्यक्ष दागिने खरेदी करताना त्यावर जीएसटी आणि मेकिंग चार्जेस म्हणजेच घडणावळ स्वतंत्रपणे आकारली जाते.)
🔴 लेटेस्ट
वायदा बाजारात (MCX) सोन्याची काय स्थिती आहे?
मल्टी कमॉडिटी एक्सचेंजवर (MCX) आज सकाळच्या सत्रात डिसेंबरच्या वायद्यामध्ये ५०० रुपयांपेक्षा जास्त घसरण पाहायला मिळाली. तर दुसरीकडे चांदीच्या वायद्यातही प्रति किलोमागे सुमारे १ हजार रुपयांची घट झाली आहे. आंतरराष्ट्रीय बाजारात ‘कॉमेक्स’वर सोने घसरून ४,०५९ डॉलर प्रति औंसच्या पातळीवर व्यवहार करत आहे. कच्च्या तेलातील चढ-उतार आणि नफावसुलीच्या दबावामुळे सराफा बाजारात मोठी तेजी न येता किमती मर्यादित पातळीत राहिल्याचे दिसून येत आहे.
More Read
