Miraj Crime News: पैशांच्या हिशोबावरून विकोपाचा वाद; मिरजेत साडूनेच केला साडूचा खून, नंतर स्वतःही उचलले टोकाचे पाऊल

Sangli Today Desk
By
Sangli Today Desk
सांगली टुडे डेस्क ही SangliToday.com या डिजिटल न्यूज पोर्टलची अधिकृत संपादकीय टीम आहे. आमच्या टीममध्ये पत्रकारिता आणि डिजिटल मीडिया क्षेत्रातील १० वर्षांहून अधिक अनुभव असलेले संपादक...
- News Desk
बेळंकीतील पैशांच्या हिशोबावरून झालेल्या वादातून साडूची हत्या; मुख्य संशयित आरोपीचाही मृतदेह शेतात आढळला (प्रातिनिधिक छायाचित्र)

मिरज (सांगली टुडे वृत्तसेवा): मिरज तालुक्यातील बेळंकी गावात पैशांच्या हिशोबावरून परप्रांतीय कामगारांमध्ये झालेल्या वादाचे रूपांतर दुहेरी मृत्यूमध्ये झाल्याची धक्कादायक घटना उघडकीस आली आहे. या घटनेत एका कामगाराने आपल्याच साडूवर लाकडी दांडक्याने जीवघेणा हल्ला करून त्याची हत्या केली आणि त्यानंतर स्वतःही शेतातील झाडाला गळफास घेऊन जीवन संपवले. या प्रकरणी मिरज ग्रामीण पोलीस ठाण्यात नोंद करण्यात आली असून, एकाच कुटुंबातील दोन सख्ख्या बहिणींवर ओढवलेल्या या संकटामुळे संपूर्ण परिसरात हळहळ व्यक्त होत आहे.

कामाचा हिशोब सुरू असताना वाद विकोपाला

पोलिसांनी दिलेल्या माहितीनुसार, महेशकुमार ब्रिजलाल गौतम, बबलू भगवती, दिनेश मोहन आणि मुलचंद बल्ली गौतम हे चौघे परप्रांतीय कामगार कामाच्या निमित्ताने बेळंकी येथे आले होते. येथील काम पूर्ण झाल्यानंतर ते आपल्या मूळ गावी परतण्याच्या तयारीत होते. गावी जाण्यापूर्वी चौघांमध्ये मजुरी व पैशांच्या देवाण-घेवाणीचा हिशोब सुरू होता.

या हिशोबावरून बबलू भगवती आणि महेशकुमार गौतम यांच्यात शाब्दिक बाचाबाची झाली आणि काही वेळातच त्याचे रूपांतर मारामारीत झाले. रागाच्या भरात बबलू भगवती आणि त्याच्या अन्य दोन साथीदारांनी महेशकुमार गौतम यांना लाकडी दांडक्याने बेदम मारहाण केली. या गंभीर दुखापतीमुळे महेशकुमार यांचा जागीच मृत्यू झाला.

हत्येनंतर संशयित आरोपी पसार, दुसऱ्या दिवशी शेतात आढळला मृतदेह

महेशकुमार यांचा मृत्यू झाल्याचे लक्षात येताच बबलू भगवती आणि त्याचे साथीदार घटनास्थळावरून पसार झाले. घटनेची माहिती मिळताच पोलीस उपअधीक्षक अजित कोकाटे आणि मिरज ग्रामीण पोलिसांच्या पथकाने तात्काळ बेळंकी येथे धाव घेऊन पंचनामा केला व आरोपींच्या शोधासाठी पथके रवाना केली.

दरम्यान, पोलीस तपास सुरू असतानाच शनिवारी सकाळी मुख्य संशयित आरोपी बबलू भगवती याचा मृतदेह गावाजवळील एका शेतातील झाडाला गळफास घेतलेल्या अवस्थेत आढळून आला. मृतांची ओळख पटवल्यानंतर महेशकुमार गौतम आणि बबलू भगवती हे दोघे नात्याने साडू असून त्यांच्या पत्नी सख्ख्या बहिणी असल्याचे समोर आले.

हेही वाचा: लाडक्या बहिणींचे १,५०० रुपये नेमके कुठे खर्च होतात? राष्ट्रीय महिला आयोगाचा अहवाल समोर; बचत वाढली पण उत्पन्नाचे साधन मात्र नगण्य.

मिरज ग्रामीण पोलिसांकडून पुढील तपास सुरू

मिरज ग्रामीण पोलिसांकडून या दुहेरी मृत्यू प्रकरणाचा पुढील तपास सुरू आहे. बेळंकी येथील शेतातील झाडाला गळफास घेतलेल्या अवस्थेत बबलू भगवती याचा मृतदेह आढळून आला असून, प्राथमिक पोलीस पाहणीत त्याने आत्महत्या केल्याचे स्पष्ट झाले आहे. दोन्ही मृतांच्या नातेवाईकांना पोलीस ठाण्यात पाचारण करण्यात आले असून, एका प्रकरणात खुनाचा गुन्हा दाखल करण्यात आला आहे, तर दुसऱ्या मृत्यूबाबत कायदेशीर नोंद करून पुढील कार्यवाही सुरू आहे.

हेही वाचा: ७/१२ उतारा, फेरफार, Index II ते वारस नोंद; जमिनीची १४ महत्त्वाची कागदपत्रे घरबसल्या कशी काढायची? जाणून घ्या अधिकृत वेबसाईट्स.

TAGGED:
Share This Article
Follow:
सांगली टुडे डेस्क ही SangliToday.com या डिजिटल न्यूज पोर्टलची अधिकृत संपादकीय टीम आहे. आमच्या टीममध्ये पत्रकारिता आणि डिजिटल मीडिया क्षेत्रातील १० वर्षांहून अधिक अनुभव असलेले संपादक आणि वार्ताहर कार्यरत आहेत. आम्ही सांगली जिल्ह्यातील ताज्या मराठी बातम्या अचूक, पडताळलेल्या आणि जबाबदार पद्धतीने नागरिकांपर्यंत पोहोचवण्यास कटिबद्ध आहोत.Sangli Today वर सांगली, मिरज, तासगाव, वाळवा, जत, खानापूर (विटा), पलूस, शिराळा, कवठेमहांकाळ, कडेगाव आणि आटपाडी या तालुक्यांमधील राजकारण, प्रशासन, गुन्हे, शेती, हवामान, शिक्षण, आरोग्य आणि नागरिक प्रश्नांवरील स्थानिक बातम्या प्रकाशित केल्या जातात.प्रत्येक बातमी अधिकृत स्रोत, स्थानिक प्रशासन आणि प्रत्यक्ष घटनास्थळावरील माहितीनुसार Multi-level Fact-Checking प्रक्रियेतून पडताळूनच प्रकाशित केली जाते. सांगली जिल्ह्यावर केंद्रित Hyper-local reporting करून नागरिकांसाठी महत्त्वाच्या घटनांचे विश्वासार्ह वार्तांकन करणे हेच आमचे प्रमुख ध्येय आहे.Published by Sangli Today Desk – Local News Coverage from Sangli Districtसंपर्क आणि पारदर्शकता: संपादकीय कार्यालय: 3B, MIDC Kupwad Rd, Vidyanagar, Vishrambag, Sangli, Sangli Miraj Kupwad, Maharashtra 416416 ईमेल: hellosanglitoday@gmail.com
चॅनेल फॉलो करा