मिरज : द्राक्ष विक्रीनंतर तब्बल ११ लाख २८ हजार ७५२ रुपये थकवल्याप्रकरणी सोलापूर जिल्ह्यातील व्यापाऱ्याविरुद्ध मिरज ग्रामीण पोलिस ठाण्यात गुन्हा दाखल करण्यात आला आहे. ही घटना बेडग (ता. मिरज) येथील द्राक्ष बागायतदारासोबत घडली.
दीपक शंकर ओमासे यांनी दिलेल्या फिर्यादीनुसार, संबंधित व्यापाऱ्याने त्यांच्या शेतातून १८ लाख ६८ हजार ७५२ रुपयांची द्राक्षे खरेदी केली. व्यवहारानंतर सुरुवातीला ७ लाख ४० हजार रुपये देण्यात आले; मात्र उर्वरित ११ लाखांहून अधिक रक्कम दिली नाही.
रकमेची वारंवार मागणी करूनही टाळाटाळ केल्याने आपली फसवणूक झाल्याचे लक्षात येताच ओमासे यांनी पोलिसांत धाव घेतली. या प्रकरणी धनाजी गौतम धायगुडे (रा. मोडनिंब, ता. माढा, जि. सोलापूर) याच्याविरुद्ध गुन्हा दाखल करण्यात आला असून मिरज ग्रामीण पोलिसांकडून पुढील तपास सुरू आहे.
सांगली जिल्ह्यात द्राक्ष हंगाम सुरू असताना अशा प्रकारच्या आर्थिक फसवणुकीमुळे शेतकरी वर्गातून चिंता व्यक्त केली जात आहे.
हेही वाचा: सांगली-मिरज रोडने घेतला पुन्हा श्वास; विश्रामबाग परिसरातील 67 अनधिकृत खोकी जमीनदोस्त.
- वाळवा तालुक्यात भीषण अपघात; पुलावर दुचाकी आदळून युवकाचा मृत्यू, मित्र गंभीर जखमी
- इराण-इस्रायल तणावामुळे तेल दर वाढणार? सांगलीत पेट्रोल 104.07 रुपये; सध्या दरवाढ नाही
- विटा-कराड मार्गावर भीषण अपघात; जखमी महिलेचा 10 दिवसांनी मृत्यू
- सांगली महापालिकेच्या स्थायी समिती सभापतीची निवड 13 मार्चला; इच्छुकांकडून मोर्चेबांधणी
- सांगलीत कृष्णा नदी प्रदूषणाचा प्रश्न गंभीर; ‘हजारो मासे मृत, 5 लाख नागरिकांच्या आरोग्यास धोका’
- कवठेमहांकाळमध्ये 2.88 किलो गांजा जप्त; तस्कर अटकेत
