सांगली : राज्यात गुटखा बंदी असतानाही अनेक ठिकाणी गुटख्याची बेकायदेशीर विक्री सुरू असल्याने शासनाने कठोर पाऊल उचलण्याचा निर्णय घेतला असून, येत्या नवीन वर्षापासून गुटखा उत्पादकांवर मकोका (MCOCA) अंतर्गत कारवाई करण्याची तयारी सुरू आहे. अन्न व औषध प्रशासन मंत्री नरहरी झिरवाळ यांनी याबाबत माहिती दिली आहे.
सांगली शहरासह जिल्ह्यातील ग्रामीण भागात पानपट्ट्या, किराणा दुकाने तसेच लहान टपऱ्यांवर गुटखा विक्रीचे प्रकार यापूर्वीही समोर आले आहेत. गुटखा बंदी असली तरी प्रत्यक्षात काही ठिकाणी विक्री सुरू असल्याचे चित्र दिसून येते, अशी माहिती अंमलबजावणीशी संबंधित सूत्रांकडून देण्यात आली आहे.
सांगली जिल्हा कर्नाटक सीमेलगत असल्याने शेजारच्या राज्यातून बेकायदेशीररीत्या गुटखा येण्याचे प्रकार आढळले आहेत. या पार्श्वभूमीवर सीमावर्ती भागातून होणारी तस्करी रोखण्यासाठी तसेच स्थानिक पातळीवर विक्रीवर नियंत्रण ठेवण्यासाठी प्रशासनाकडून कोणत्या उपाययोजना राबवल्या जाणार, याकडे सर्वांचे लक्ष लागले आहे.
राज्य शासनाकडून मकोका लागू करण्यासाठी कायद्यात आवश्यक दुरुस्त्या करण्याची प्रक्रिया सुरू असल्याचे सांगण्यात आले आहे. त्यानंतर गुटखा उत्पादकांवर कठोर कारवाई केली जाणार असल्याचे स्पष्ट करण्यात आले आहे. या निर्णयाची सांगली जिल्ह्यात प्रत्यक्ष अंमलबजावणी कशी होते, पुढील काळात याचे चित्र स्पष्ट होणार आहे
हेही वाचा: सांगलीत जिल्हास्तरीय सल्लागार समितीची बैठक; 2025-26 पतपुरवठा व शासकीय योजनांचा आढावा.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
