सांगली : आगामी जिल्हा परिषद व पंचायत समिती निवडणुकीच्या पार्श्वभूमीवर मिरज तालुका काँग्रेस कमिटीची आढावा बैठक घेण्यात आली. या बैठकीत संघटनात्मक तयारीसह निवडणूक रणनीतीवर चर्चा करण्यात आली असून इच्छुक उमेदवारांच्या मुलाखतीही घेण्यात आल्या.
या वेळी उमेदवारांची आजवरची राजकीय व सामाजिक वाटचाल, जनसंपर्क, सामाजिक कार्य तसेच पक्षाशी असलेली निष्ठा या बाबींचा सविस्तर आढावा घेण्यात आला. स्थानिक प्रश्नांची जाण, विकासकामांसाठी तत्परता आणि सर्वसामान्य नागरिकांच्या अपेक्षा समजून घेणाऱ्या उमेदवारांना संधी देण्यावर भर देण्यात येणार असल्याचे यावेळी सांगण्यात आले.
महापालिका निवडणुकीप्रमाणेच जिल्हा परिषद व पंचायत समिती निवडणुकांमध्येही अनुभवी व कार्यक्षम उमेदवार देण्याचा प्रयत्न राहील, असे स्पष्ट करण्यात आले. समाजहिताला प्राधान्य देणाऱ्या व जनतेमध्ये विश्वास असलेल्या कार्यकर्त्यांना उमेदवारी देण्याची भूमिका काँग्रेसकडून मांडण्यात आली.
या बैठकीस खासदार विशाल पाटील, काँग्रेसचे शहर जिल्हाध्यक्ष राजेश नाईक, जितेश कदम, अण्णासाहेब कोरे यांच्यासह तालुक्यातील पदाधिकारी व कार्यकर्ते मोठ्या संख्येने उपस्थित होते.
हेही वाचा: सांगली–मिरज–कुपवाड महापालिकेत भाजप सर्वाधिक जागांवर विजयी; प्रभागनिहाय विजयी उमेदवारांची यादी.
- वाळवा तालुक्यात भीषण अपघात; पुलावर दुचाकी आदळून युवकाचा मृत्यू, मित्र गंभीर जखमी
- इराण-इस्रायल तणावामुळे तेल दर वाढणार? सांगलीत पेट्रोल 104.07 रुपये; सध्या दरवाढ नाही
- विटा-कराड मार्गावर भीषण अपघात; जखमी महिलेचा 10 दिवसांनी मृत्यू
- सांगली महापालिकेच्या स्थायी समिती सभापतीची निवड 13 मार्चला; इच्छुकांकडून मोर्चेबांधणी
- सांगलीत कृष्णा नदी प्रदूषणाचा प्रश्न गंभीर; ‘हजारो मासे मृत, 5 लाख नागरिकांच्या आरोग्यास धोका’
- कवठेमहांकाळमध्ये 2.88 किलो गांजा जप्त; तस्कर अटकेत
