मिरज : मिरज शहरात महानगरपालिका निवडणुकीच्या काळात बेकायदा जमाव जमवून एका उमेदवाराच्या घरात प्रवेश करून मारहाण केल्याचा प्रकार घडल्याची तक्रार शहर पोलिस ठाण्यात दाखल करण्यात आली आहे. या प्रकरणी सात जणांविरुद्ध अनुसूचित जाती व जमाती अत्याचार प्रतिबंधक अधिनियमासह विविध कलमान्वये गुन्हा दाखल करण्यात आला आहे.
तक्रारीनुसार, प्रभाग क्रमांक तीनमधील राखीव गटातील शिंदे सेनेचे उमेदवार सागर मोहन वनखंडे (वय 28) हे 14 जानेवारी रोजी सायंकाळी त्यांच्या मिरज येथील निवासस्थानी निवडणुकीच्या अनुषंगाने बुथ कमिटीची बैठक घेत होते. यावेळी संदीप व्हनमाने व त्यांच्या काही साथीदारांनी बेकायदा जमाव जमवून घराच्या आवारात प्रवेश केल्याचा आरोप आहे.
या प्रसंगी सागर वनखंडे यांचा मित्र सौरभ चंद याच्याशी धक्काबुक्की करत त्याला मारहाण करण्यात आल्याचे तक्रारीत नमूद आहे. तसेच, सागर वनखंडे यांनी याबाबत जाब विचारला असता त्यांना धमकी देण्यात आल्याचा आरोपही तक्रारीत करण्यात आला आहे. मध्यस्थी करण्यासाठी पुढे आलेल्या काही नागरिकांनाही धक्काबुक्की व धमकी दिल्याचे तक्रारीत नमूद करण्यात आले आहे.
या प्रकरणी संदीप सोपान व्हनमाने (रा. इस्रायल नगर, मिरज), ओंकार संजय कांबळे, विशाल साळुंके, स्टीवन देवकुळे, समित खानविलकर, विशाल सौंदडे आणि अभी होळकर (सर्व रा. मिरज) यांच्याविरोधात गुन्हा दाखल करण्यात आला आहे.
शहर पोलिसांकडून या प्रकरणाचा पुढील तपास सुरू असून, घटनेबाबतची अधिक माहिती तपासानंतर स्पष्ट होणार आहे. दरम्यान, या घटनेप्रकरणी संबंधित संशयितांची बाजू अद्याप समोर आलेली नाही.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- सांगलीत इलेक्ट्रिक कार किंवा स्कूटर घेताय? खरेदीपूर्वी तपासा या 7 अत्यंत महत्त्वाच्या गोष्टी
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Ladki Bahin Yojana: एकाच जिल्ह्यात १९०० तर संपूर्ण महाराष्ट्रात किती? हक्काच्या पैशांवर डल्ला मारणाऱ्यांवर कठोर कारवाई कधी होणार?
