सांगली : खरीप पणन हंगाम २०२४–२५ अंतर्गत शासनाच्या आधारभूत किंमत (MSP) खरेदी योजनेअंतर्गत धान, मका, ज्वारी, रागी व इतर भरड धान्यांच्या खरेदीसाठी शेतकऱ्यांच्या ऑनलाईन नोंदणीला ३१ डिसेंबर २०२५ पर्यंत मुदतवाढ देण्यात आली आहे. अन्न, नागरी पुरवठा व ग्राहक संरक्षण विभागाच्या वतीने यासंदर्भात शासन निर्णय प्रसिद्ध करण्यात आला आहे.
सांगली जिल्ह्यात मका, ज्वारी व भरड धान्याचे उत्पादन मोठ्या प्रमाणावर होत असल्याने या निर्णयाचा थेट फायदा जिल्ह्यातील शेतकऱ्यांना होणार आहे. खरीप हंगामात उत्पादन झाले असतानाही विविध कारणांमुळे नोंदणी करता न आलेल्या सांगली जिल्ह्यातील शेतकऱ्यांसाठी ही मुदतवाढ महत्त्वाची ठरणार आहे.
राज्यातील अनेक शेतकऱ्यांना तांत्रिक अडचणी, आवश्यक कागदपत्रांची पूर्तता, तसेच ऑनलाईन नोंदणी प्रक्रियेत येणाऱ्या अडथळ्यांमुळे ठरलेल्या कालावधीत नोंदणी करता आली नव्हती. याबाबत महाराष्ट्र राज्य सहकारी पणन महासंघ, आदिवासी विकास महामंडळ तसेच विविध जिल्हा स्तरावरून नोंदणीस मुदतवाढ देण्याची मागणी करण्यात आली होती. त्यानुसार शासनाने सकारात्मक निर्णय घेतल्याचे अधिकृत माहितीतून स्पष्ट झाले आहे.
शासन निर्णयानुसार, आधारभूत किंमत खरेदी योजनेचा लाभ घेण्यासाठी शेतकऱ्यांना ऑनलाईन पद्धतीने नोंदणी करणे अनिवार्य आहे. नोंदणी पूर्ण केलेल्या पात्र शेतकऱ्यांकडूनच शासनामार्फत आधारभूत किंमतीने धान्याची खरेदी करण्यात येणार आहे. नोंदणी प्रक्रियेदरम्यान शासनाने वेळोवेळी दिलेल्या सूचनांचे पालन करण्याचे निर्देशही देण्यात आले आहेत.
सरकारच्या या निर्णयामुळे सांगली जिल्ह्यातील धान, मका, ज्वारी व भरड धान्य उत्पादक शेतकऱ्यांना दिलासा मिळाला असून, अधिकाधिक शेतकऱ्यांना शासनाच्या आधारभूत किंमत खरेदी योजनेचा लाभ घेण्याची संधी मिळणार आहे. संबंधित शेतकऱ्यांनी दिलेल्या मुदतीत आवश्यक कागदपत्रांसह आपली ऑनलाईन नोंदणी पूर्ण करावी, असे आवाहन प्रशासनाकडून करण्यात आले आहे.
हेही वाचा: २०२६ मध्ये सांगली शहराची लोकसंख्या किती आहे?.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
