सांगली : जिल्हा परिषद व पंचायत समिती सार्वत्रिक निवडणूक २०२६ साठी येत्या ७ फेब्रुवारी रोजी मतदान होणार असून, मतदारांना मतदानाचा हक्क बजावता यावा यासाठी सर्व आस्थापना, कारखाने व दुकानदारांनी कामगार, अधिकारी आणि कर्मचाऱ्यांना भरपगारी सुट्टी द्यावी, असे आवाहन सहाय्यक कामगार आयुक्त मु. अ. मुजावर यांनी केले आहे.
खाजगी कंपन्या, औद्योगिक व व्यापारी आस्थापना, दुकाने, निवासी हॉटेल्स, खाद्यगृहे, नाट्यगृहे, माहिती व तंत्रज्ञान कंपन्या, शॉपिंग मॉल्स तसेच अन्य सर्व आस्थापनांमधील कर्मचाऱ्यांना निवडणुकीच्या दिवशी मतदानासाठी सुट्टी देणे आवश्यक असल्याचे त्यांनी स्पष्ट केले आहे.
अपवादात्मक परिस्थितीत संपूर्ण दिवसाची सुट्टी देणे शक्य नसेल, तर संबंधित कर्मचाऱ्यांना किमान दोन ते तीन तासांची सवलत देण्यात यावी. कोणत्याही परिस्थितीत मतदारांना मतदानासाठी आवश्यक वेळ मिळेल, याची दक्षता आस्थापना मालक व व्यवस्थापनांनी घ्यावी, असेही सांगण्यात आले आहे.
उद्योग, ऊर्जा व कामगार विभागाच्या कार्यक्षेत्रातील सर्व आस्थापनांनी या सूचनांचे काटेकोर पालन करावे. मतदानासाठी आवश्यक सुट्टी अथवा सवलत न दिल्यामुळे मतदान करता न आल्याच्या तक्रारी प्राप्त झाल्यास संबंधित आस्थापनांविरुद्ध कारवाई करण्यात येणार आहे.
दरम्यान, निवडणुकीच्या दिवशी मतदानासाठी भरपगारी सुट्टी किंवा सवलत न दिल्यास मतदारांनी सहाय्यक कामगार आयुक्त कार्यालय, उद्योग भवन, विश्रामबाग, सांगली येथे तक्रार दाखल करावी. यासाठी दूरध्वनी क्रमांक 0233-2950119 किंवा ई-मेल aclsangli@gmail.com वर संपर्क साधता येईल.
हेही वाचा: ट्रॅक्टर सबसिडीच्या आमिषाने मिरजेत सात शेतकऱ्यांची फसवणूक; ३५ लाखांचा गंडा, एकावर गुन्हा दाखल.
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
- संखमध्ये महावितरण कर्मचाऱ्याचा गोळ्या झाडून खून; तीन तासांत दोघांना अटक
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
