आटपाडी : सांगली जिल्ह्यातील आटपाडी गावातील तरुणांनी तयार केलेला ‘फुला’ हा मराठी चित्रपट 17 एप्रिलपासून महाराष्ट्रभर प्रदर्शित होणार आहे. मुरळी परंपरेत जन्मलेल्या एका निरागस मुलीच्या संघर्षाची कथा या चित्रपटातून मोठ्या पडद्यावर झळकणार आहे.
खंडेरायाच्या साक्षीने जेजुरी येथे वाघ्या-मुरळी परिषदेचे संस्थापक अध्यक्ष प्रा. मार्तंड साठे यांच्या हस्ते चित्रपटाच्या पोस्टरचे अनावरण करण्यात आले.
‘फुला’ची निर्मिती अजित शिवाजी जाधव यांनी केली असून दिग्दर्शन अभिषेक जावीर यांचे आहे. पटकथा रवीकिरण जावीर यांनी लिहिली असून संगीत दिग्दर्शन समाधान ऐवळे यांनी केले आहे. ग्रामीण सांस्कृतिक पट, तमाशा फड आणि जागरण-गोंधळ यांसारख्या लोकपरंपरेच्या पार्श्वभूमीवर चित्रपटाची कथा उभी राहते.
दिग्दर्शकांच्या मते, हा चित्रपट केवळ एका मुलीची शोकांतिका नसून लोकपरंपरेत अडकलेल्या स्त्री कलाकारांच्या अस्तित्वाचा प्रश्न मांडण्याचा प्रयत्न आहे. मुरळी परंपरेत अनेक स्त्रियांना त्यांची स्वप्नं, हक्क, प्रेम आणि सन्मानाने जगण्याची संधी मिळत नाही. समाज त्यांची कला स्वीकारतो; मात्र त्यांना माणूस म्हणून जगू देतो का, हा प्रश्न चित्रपटातून उपस्थित करण्यात आला आहे.
चित्रपटाच्या निर्मितीत आटपाडीतील स्थानिक कलाकार आणि तंत्रज्ञांचा सहभाग असून हा त्यांचा पहिलाच चित्रपट आहे. त्यामुळे या चित्रपटाबद्दल सांगली जिल्ह्यात मोठी उत्सुकता निर्माण झाली आहे.
‘फुला’ 17 एप्रिलपासून राज्यातील चित्रपटगृहांत प्रदर्शित होणार आहे.
हेही वाचा : 24 फेब्रुवारीपासून सांगलीत ‘कृष्णाई मिनी सरस 2026’; ग्रामीण महिलांच्या उत्पादनांचा पाच दिवसीय मेळावा.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
