कवठेमहांकाळ : मुलगी रिद्धीचा वाढदिवस साजरा करण्यासाठी कुटुंबासह सांगलीला येत असताना दुचाकी अपघातात महेश शारदा शिंदे (रा. दसरा चौक, शिवाजी नगर, सांगली) यांचा मृत्यू झाल्याची दुर्दैवी घटना शिरढोण येथे घडली.
महेश शिंदे हे पत्नी जयम्माबाई आणि मुलगी रिद्धी यांच्यासह आंध्र प्रदेशातील अनंतपूर जिल्ह्यातील रेड्डीपल्ले येथे राहत होते. चालक म्हणून काम करत तसेच शेतीची कामे करून ते कुटुंबाचा उदरनिर्वाह करत होते. मुलगी रिद्धीचा तसेच स्वतःचा वाढदिवस साजरा करण्यासाठी ते कुटुंबासह सांगलीला येत होते.
9 मार्च रोजी रात्री ते बसव्वा एक्सप्रेस रेल्वेने अनंतपूरहून सोलापूर येथे आले. त्यांनी त्यांच्यासोबत बजाज पल्सर दुचाकी रेल्वेच्या पार्सल डब्यातून आणली होती. सोलापूर येथे उतरल्यावर बॅगा जास्त असल्याने पत्नी आणि मुलीला एसटी बसने सांगलीला पाठवून महेश शिंदे हे दुचाकीवरून सांगलीकडे निघाले.
दरम्यान, 10 मार्च रोजी दुपारी शिरढोण येथील जेजे हॉटेल समोर राष्ट्रीय महामार्गावर त्यांच्या दुचाकीची रस्त्यावरील डिव्हायडरला जोरदार धडक बसली. या अपघातात त्यांच्या डोक्याला गंभीर दुखापत झाली. त्यांना तातडीने उपजिल्हा रुग्णालय कवठेमहांकाळ येथे नेण्यात आले मात्र डॉक्टरांनी त्यांना मृत घोषित केले. या प्रकरणी कवठेमहांकाळ पोलिसांत नोंद करण्यात आली असून पुढील तपास सुरू आहे.
हेही वाचा: शिराळ्यात मक्याच्या शेतात गांजाची लागवड; एनडीपीएस कायद्यानुसार गुन्हा दाखल.
- Sangli Travels Bus Fire: सांगलीत पहाटे स्टेडियमसमोर ट्रॅव्हल्स बसला आग; अग्निशमन दलाची तत्परता, तासाभरात आटोक्यात
- म्हैसाळ येथे जनावरांची बेकायदेशीर वाहतूक; टाटा योध्दा गाडीत 5 जनावरे दाटीवाटीने
- नोकरी शोधणाऱ्या महिलांसाठी सुवर्णसंधी; सांगलीत 23 मार्चला 300 पेक्षा जास्त पदांसाठी मुलाखती
- मुलीचा वाढदिवस साजरा करण्यासाठी सांगलीला निघाले… शिरढोण येथे दुचाकी अपघातात वडिलांचा मृत्यू
- शिराळ्यात मक्याच्या शेतात गांजाची लागवड; एनडीपीएस कायद्यानुसार गुन्हा दाखल
- सांगलीत घरगुती गॅसचा गैरवापर सुरूच? सांगली-मिरज-जतसह ४ ठिकाणी तपासणी
