कवठेमहांकाळ : सोशल मीडिया चॅनेल विक्रीच्या आमिषाने लंगरपेठ (ता. कवठेमहांकाळ) येथील तरुणाची 1 लाख 95 हजार रुपयांची फसवणूक झाल्याची घटना उघडकीस आली आहे. याप्रकरणी कवठेमहांकाळ पोलिसांनी तांत्रिक तपासाच्या आधारे मध्य प्रदेशमधील इंदोर येथून एका संशयिताला अटक केली असून न्यायालयाने त्याला चार दिवसांची पोलिस कोठडी सुनावली आहे.
रोहित उघरेजिया (रा. इंदोर, मध्य प्रदेश) असे अटक करण्यात आलेल्या संशयिताचे नाव आहे. आनंद एकनाथ सावंत (वय 34, रा. लंगरपेठ) यांनी या प्रकरणी फिर्याद दिली आहे.
पोलिसांकडून मिळालेल्या माहितीनुसार, सोशल मीडियाच्या माध्यमातून ‘रोहित उघरेजिया’ नावाने संपर्क साधून संबंधिताने सोशल मीडिया चॅनेल विकणार असल्याचे सांगितले. त्या चॅनेलवर मोठ्या प्रमाणावर सबस्क्रायबर्स असून त्यातून चांगले उत्पन्न मिळत असल्याचे सांगून 2 लाख 10 हजार रुपयांत चॅनेलचा व्यवहार ठरवण्यात आला.
21 एप्रिल 2025 पासून विविध टप्प्यांत फिर्यादीकडून फोनपेच्या माध्यमातून 1 लाख 95 हजार रुपये संशयिताच्या खात्यावर जमा करण्यात आले. उर्वरित रक्कम चॅनेलचा पूर्ण ताबा मिळाल्यानंतर देण्याचे ठरले होते.
रक्कम जमा झाल्यानंतर काही वेळ लॉगिन तपशील दिल्याचे भासवून नंतर पासवर्ड बदलून चॅनेलवरील प्रवेश बंद करण्यात आल्याचा आरोप फिर्यादीने केला आहे. पैसे परत मागितल्यावर संशयिताने उलट खोटी तक्रार करण्याची धमकी दिल्याचे फिर्यादीने पोलीस तक्रारीत सांगितले आहे.
तक्रार दाखल झाल्यानंतर पोलिस निरीक्षक प्रवीणकुमार कांबळे यांच्या मार्गदर्शनाखाली सहायक निरीक्षक अमोल शिवशरण यांनी तांत्रिक तपासाद्वारे संशयिताचा माग काढून त्याला इंदोर येथून ताब्यात घेतले असून कवठेमहांकाळ पोलिसांकडून या प्रकरणाचा पुढील तपास सुरू आहे.
हेही वाचा: शेतकरी अनुदानात 12.32 लाखांचा अपहार; सांगली जिल्हा बँकेच्या गव्हाण शाखेतील दोन अधिकाऱ्यांवर गुन्हा दाखल.
- Ladki Bahin Yojana: हप्ते बंद झालेल्या महिलांना ₹४०,००० मिळणार? इन्स्टाग्रामवरील ‘त्या’ व्हायरल दाव्याचे सत्य समोर; शासनाने जारी केला सतर्कतेचा इशारा
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
