सांगली : जिल्ह्यातील महिलांसाठी रोजगाराची मोठी संधी उपलब्ध झाली असून 23 मार्च रोजी सांगलीत विशेष महिला रोजगार मेळाव्याचे आयोजन करण्यात आले आहे. या मेळाव्यात 300 पेक्षा अधिक पदांसाठी थेट मुलाखती घेतल्या जाणार आहेत.
जिल्हा कौशल्य विकास, रोजगार व उद्योजकता मार्गदर्शन केंद्र आणि श्रीमती राजमती नेमगोंडा पाटील कन्या महाविद्यालय यांच्या संयुक्त विद्यमाने हा मेळावा आयोजित करण्यात आला आहे. हा मेळावा सोमवार, 23 मार्च रोजी सकाळी 11 ते दुपारी 2 या वेळेत नेमिनाथनगर येथील महाविद्यालयात होणार आहे.
या रोजगार मेळाव्यात मिलेनियम मोटर्स, एलआयसी ऑफ इंडिया, ॲक्सिस बँक, मुथुट मायक्रोफिन, सह्याद्री मोटर्स, आयआयएफएल फायनान्स आदी कंपन्यांकडून विविध पदांसाठी थेट मुलाखती घेण्यात येणार आहेत.
दहावी, बारावी, आयटीआय, डिप्लोमा, पदवी आणि पदव्युत्तर शिक्षण घेतलेल्या 18 ते 50 वयोगटातील महिलांना या मेळाव्यात सहभागी होता येणार आहे. इच्छुक महिला उमेदवारांनी मुलाखतीस येताना आपली सर्व मूळ कागदपत्रे, पासपोर्ट साईज फोटो आणि बायोडाटाच्या किमान तीन छायांकित प्रती सोबत आणाव्यात, असे आवाहन करण्यात आले आहे.
अधिक माहितीसाठी संपर्क क्रमांक – ०२३३ २९९०३८३
हेही वाचा: मुलीचा वाढदिवस साजरा करण्यासाठी सांगलीला निघाले… शिरढोण येथे दुचाकी अपघातात वडिलांचा मृत्यू.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
