सांगली : सांगली-मिरज-कुपवाड महापालिका निवडणुकीच्या पार्श्वभूमीवर भाजपकडून उमेदवार निवडीची प्रक्रिया वेग घेत असून, इच्छुक उमेदवारांच्या मुलाखती 13 आणि 14 डिसेंबर रोजी घेण्यात येणार आहेत. या मुलाखती पाटीदार भवन, कॉलेज कॉर्नर रोड येथे आयोजित करण्यात आल्या असल्याची माहिती भाजपचे शहर जिल्हाध्यक्ष प्रकाश ढंग यांनी दिली.
भाजपच्या या उमेदवार निवड प्रक्रियेवर मुख्यमंत्री देवेंद्र फडणवीस, प्रदेशाध्यक्ष रवींद्र चव्हाण, मंत्री चंद्रशेखर बावनकुळे आणि पालकमंत्री चंद्रकांत पाटील यांचे मार्गदर्शन असणार आहे. पक्षातील वरिष्ठ नेत्यांच्या सूचनांनुसार उमेदवारांची छाननी केली जाणार आहे.
मुलाखत समितीत आमदार सुधीर गाडगीळ, आमदार सुरेश खाडे, भाजप प्रदेश उपाध्यक्ष शेखर इनामदार, पश्चिम महाराष्ट्र संघटक मकरंद देशपांडे आणि शहर जिल्हाध्यक्ष प्रकाश ढंग यांचा समावेश आहे.
कार्यक्रमानुसार, प्रभाग क्रमांक 1 ते 8 मधील इच्छुकांच्या मुलाखती 13 डिसेंबर रोजी दुपारी 2 वाजता होणार आहेत. तर प्रभाग क्रमांक 9 ते 20 मधील इच्छुकांसाठी मुलाखती 14 डिसेंबर रोजी सकाळी 8.30 वाजता सुरू होतील.
सर्व इच्छुक उमेदवारांनी ठरलेल्या वेळेत उपस्थित राहावे, असे आवाहन प्रकाश ढंग यांनी केले आहे. उमेदवार निवडीत पक्ष संघटना, स्थानिक परिस्थिती आणि निवडणूक जिंकण्याची क्षमता या मुद्द्यांना प्राधान्य दिले जाणार असल्याचे सूत्रांकडून सांगण्यात आले.
हेही वाचा: सांगली महापालिका निवडणूक पुढील आठवड्यात जाहीर होण्याची शक्यता.
🔴 सांगलीतील ताज्या बातम्या 🔴
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
