सांगली : खरीप पणन हंगाम २०२५–२६ अंतर्गत किमान आधारभूत किंमत (MSP) योजनेत धान व भरडधान्य खरेदीसाठी शेतकऱ्यांच्या ऑनलाईन नोंदणी प्रक्रियेला ३१ जानेवारी २०२६ पर्यंत मुदतवाढ देण्यात आली आहे. अन्न, नागरी पुरवठा व ग्राहक संरक्षण विभागाकडून अधिकृतरीत्या ही माहिती जाहीर करण्यात आली आहे.
आधी शेतकरी नोंदणीसाठीची अंतिम तारीख ३१ डिसेंबर २०२५ अशी निश्चित करण्यात आली होती. मात्र, राज्यातील विविध भागांतून शेतकरी, लोकप्रतिनिधी तसेच कृषी संघटनांकडून मुदतवाढीची मागणी होत होती. त्या पार्श्वभूमीवर शासनाने नोंदणी प्रक्रियेस अतिरिक्त कालावधी देण्याचा निर्णय घेतला आहे.
शासनाने दिलेल्या या मुदतवाढीच्या कालावधीत संबंधित यंत्रणांनी वेळोवेळी जारी करण्यात आलेल्या सूचनांचे पालन करून शेतकरी नोंदणीची प्रक्रिया पूर्ण करावी, असे निर्देश देण्यात आले आहेत. अद्याप नोंदणी न केलेल्या धान व भरडधान्य पिकवणाऱ्या शेतकऱ्यांना या निर्णयामुळे नोंदणीसाठी अतिरिक्त वेळ मिळाला आहे.
खरीप हंगामात धान व भरडधान्य खरेदीसाठी पात्र ठरण्यासाठी सांगली जिल्ह्यातील शेतकऱ्यांनी दिलेल्या कालावधीत आपली नोंदणी पूर्ण करणे आवश्यक आहे.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
