सांगली : सांगली जिल्हा प्राथमिक शिक्षक सहकारी बँक लिमिटेड सांगली यांच्याकडून लिपिक पदांसाठी भरती प्रक्रिया राबवण्यात येत असून एकूण 20 पदांसाठी पात्र उमेदवारांकडून ऑनलाईन अर्ज मागवण्यात आले आहेत. बँकेच्या कार्यक्षेत्रात सांगली, सातारा, सोलापूर आणि कोल्हापूर जिल्ह्यांचा समावेश आहे.
लिपिक पदाच्या या भरतीसाठी उमेदवार पदवीधर असणे आवश्यक असून MS-CIT किंवा समतुल्य संगणक अभ्यासक्रमाचे प्रमाणपत्र बंधनकारक आहे. मराठी, हिंदी आणि इंग्रजी भाषेचे ज्ञान आवश्यक असून बँकिंग किंवा सहकारी क्षेत्रातील अनुभव असलेल्या उमेदवारांना प्राधान्य दिले जाणार आहे. तसेच JAIIB, CAIIB किंवा इतर मान्यताप्राप्त बँकिंग अभ्यासक्रम पूर्ण केलेल्या उमेदवारांना अतिरिक्त गुण मिळणार आहेत.
उमेदवारांचे वयोमर्यादा 21 ते 35 वर्षे इतकी असून, ऑनलाईन परीक्षेचे शुल्क 875 रुपये अधिक GST व बँक शुल्क असेल. परीक्षा ही ऑनलाईन पद्धतीने होणार असून General Knowledge, Aptitude, Reasoning, Mathematics, Marathi व English Grammar, Computer Literacy आणि Banking या विषयांचा समावेश असणार आहे. परीक्षा 100 गुणांची असून कालावधी 90 मिनिटांचा राहणार आहे.
ऑनलाईन अर्ज स्वीकारण्याची प्रक्रिया 12 डिसेंबर 2025 रोजी सकाळी 10 वाजल्यापासून सुरू झाली असून 25 डिसेंबर 2025 रोजी सायंकाळी 5 वाजेपर्यंत अर्ज करता येणार आहेत. अर्ज सादर करण्यासाठी तसेच परीक्षाशुल्क भरण्यासाठी https://sznsbal.in/ या अधिकृत संकेतस्थळावर ऑनलाईन सुविधा उपलब्ध करून देण्यात आली आहे.
पात्र उमेदवारांनी अधिकृत संकेतस्थळावर दिलेल्या सूचनांनुसार अर्ज करण्याचे आवाहन बँकेकडून करण्यात आले आहे.
हेही वाचा: सांगली महापालिकेसाठी भाजपकडून उमेदवारांच्या मुलाखती सुरू; नेतृत्वासमोर उमेदवार निवडीचे आव्हान.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
