सांगली : खर सांगायच तर हा प्रश्न अनेकांच्या मनात कधी ना कधी येतो.
“अरे, मी एकटा मतदानाला नाही गेलो तर काय बिघडत?”
“इतके हजार लोक आहेत, माझ्या एका मतान काय फरक पडणार?”
हे विचार करण चुकीच नाही. आपण सगळेच कधी ना कधी अस म्हणतो.
पण जरा शांतपणे विचार केला, तर चित्र थोड वेगळ दिसत.
महानगरपालिका निवडणूक आहे. इथे प्रभाग छोटे असतात. अशा ठिकाणी निकाल कधी कधी १००–२०० मतांनीही फिरतो.
म्हणजे आपण, आपले कुटुंबीय, मित्र, शेजारी — एवढ्यांनी जरी मतदान केल नाही, तरी निकाल बदलू शकतो.
पण आपण काय म्हणतो?
“सगळे करतायतच ना, मग मी नाही गेलो तर काय होतय.”
असाच विचार जर सगळ्यांनी केला, तर मग मतदान करणार कोण?
आणखी एक गोष्ट —
रस्ता खराब आहे
पाणी वेळेवर येत नाही
रस्त्यावर लाईट नाही
महानगरपालिका वेळेवर कचरा उचलत नाही
हे सगळ चार चौघात बोलताना मात्र आपण कधी म्हणत नाही —
“मी एकट्यान बोलून काय होणार?”
महानगरपालिका रस्ते, पाणी, लाईट, कचरा सगळ नीट करेल…
पण ते सांगणारा, विचारणारा, प्रश्न करणारा कोणीतरी पाहिजे ना — आपल्यातलाच?
अनेक लोक म्हणतात, “सगळे नेते सारखेच असतात.”
ठीक आहे, असतीलही.
पण त्यातला कोण थोडा बरा, कोण आपल्यासाठी काम करेल — हा प्रश्न एकदा तरी स्वतःला विचारा.
कुणालातरी मतदान करण म्हणजे त्याच्या बाजूने उभ राहण नाही.
मतदान करण म्हणजे आपल्या समस्या सोडवण्यासाठी कुणाला तरी पुढ करण.
आणि सगळ्यात महत्त्वाच —
लोकशाहीत प्रत्येकजण “एकटा”च असतो.
हजार लोक म्हणजे हजार “एकटे” मतदार.
जर प्रत्येकान “मी एकट्यान मतदान नाही केल तर काय फरक पडणार?” असा विचार केला,
तर शेवटी फरक पाडतो तोच — जो गेला आणि बटण दाबून आला.
म्हणून प्रश्न हा नाही की —
“माझ्या एका मतान काय बदलणार आहे?”
खरा प्रश्न हा आहे —
“मी माझ मत का वाया घालवू?”
येत्या 15 जानेवारी 2026 रोजी मतदान आहे.
सकाळी 7.30 ते सायंकाळी 5.30 या वेळेत थोडा वेळ काढून मतदान नक्की करा.
तुमच एक मत खूप मौल्यवान आहे —
ते असच वाया जाऊ देऊ नका.
हेही वाचा: सांगली–मिरज–कुपवाड महापालिकेच्या ७८ जागांसाठी ३८१ उमेदवार निवडणूक लढवणार.
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
- सांगलीत डॉ. बाबासाहेबांचे जगातील सर्वात मोठे, पहिले रियलॅस्टिक मल्टी-कलर स्ट्रिंग आर्ट
- जतजवळ ट्रेलरची दुचाकीला धडक; 25 वर्षीय तरुणाचा मृत्यू
- सांगलीतील 152 ग्रामपंचायतींची प्रभाग रचना बदलणार? 13 एप्रिलपर्यंत हरकती नोंदवता येणार
- जत : उमदीजवळ भीषण अपघात; ट्रकच्या धडकेत कार चालकाचा मृत्यू, सहा जखमी
- सांगलीची रोजगार योजनेत मोठी झेप; 1375 जणांना व्यवसायासाठी कर्ज मंजुरी
