सांगली : जिल्ह्यात बारावीच्या परीक्षा कॉपीमुक्त आणि पारदर्शक पार पडण्यासाठी जिल्हा परिषदेने तंत्रज्ञानाधारित नावीन्यपूर्ण उपक्रम राबवला आहे. यंदा प्रथमच सांगली जिल्ह्यात बारावीच्या परीक्षांवर जिल्हा परिषद स्तरावरून झूम लिंकद्वारे थेट देखरेख ठेवण्यात येत असून, राज्यात असा प्रयोग प्रभावीपणे राबवणारा सांगली हा पहिला जिल्हा ठरला आहे.
जिल्ह्यातील ५२ परीक्षा केंद्रांवरील १३०७ वर्गखोल्यांमध्ये सुरू असलेल्या परीक्षांवर जिल्हा परिषदेतून निरीक्षण केले जात आहे. प्रत्येक परीक्षा कक्षातील हालचालींचे लाईव्ह रेकॉर्डिंग करण्यात येत असून हे चित्रीकरण परीक्षेच्या संपूर्ण कालावधीत सुरक्षित ठेवले जाणार आहे. या परीक्षेसाठी जिल्ह्यात ३२ हजार ५०४ परीक्षार्थी बसले आहेत.
जिल्हा परिषदेचे मुख्य कार्यकारी अधिकारी विशाल नरवाडे यांनी सांगितले की, परीक्षांमध्ये ‘कॉपी होणारच’ असा नकारात्मक दृष्टिकोन बदलणे हा या उपक्रमाचा मुख्य उद्देश आहे. विद्यार्थ्यांवर थेट कठोर कारवाई करण्याऐवजी त्यांना सुधारण्याची संधी देण्यावर भर देण्यात येणार असून कोणाचेही शैक्षणिक वर्ष वाया जाऊ नये, ही प्रशासनाची भूमिका आहे.
माध्यमिक शिक्षणाधिकारी राजेसाहेब लोंढे यांनी सांगितले की, कॉपीमुक्त परीक्षा धोरणांतर्गत परीक्षा केंद्रांवर प्रवेशावेळी तपासणी, वर्गखोल्यांमध्ये सीसीटीव्ही, पर्यवेक्षकांना मोबाईल वापरास मनाई आणि भरारी पथकांची नियुक्ती करण्यात आली आहे. ज्या केंद्रांवर सीसीटीव्ही सुविधा उपलब्ध नाही, त्यासाठी विशेष भरारी पथक तैनात करण्यात आले आहे.
परीक्षेच्या पहिल्या दिवशी इंग्रजी विषयाचा पेपर शांततेत पार पडला. परीक्षा सुरळीत पार पडावी यासाठी शिक्षण विभाग, केंद्रप्रमुख, पर्यवेक्षक आणि प्रशासन समन्वयाने काम करत असल्याचे अधिकाऱ्यांनी सांगितले. ही डिजिटल देखरेख व्यवस्था बारावी व दहावीच्या परीक्षांसाठी लागू राहणार असून, १८ मार्चपर्यंत हा उपक्रम राबवण्यात येणार आहे.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
