सांगली : वाढत्या इंटरनेट वापराच्या आणि कृत्रिम बुद्धिमत्तेच्या (AI) पार्श्वभूमीवर प्रत्येक नागरिकाने स्वतःच्या डिजिटल सुरक्षिततेबाबत सजग राहणे अत्यावश्यक आहे, असे प्रतिपादन जिल्हाधिकारी अशोक काकडे यांनी केले.
जिल्हाधिकारी कार्यालयात दि. 10 फेब्रुवारी रोजी आयोजित “सुरक्षित इंटरनेट दिवस” कार्यक्रमाच्या अध्यक्षस्थानावरून ते बोलत होते. दरवर्षी फेब्रुवारी महिन्यात जगभर सेफर इंटरनेट डे “Safer Internet Day” साजरा केला जातो. यावर्षी स्मार्ट टेक, सेफ चॉईसेस – एक्स्प्लोरिंग द सेफ अँड रिस्पॉन्सिबल युज ऑफ आर्टिफिशियल इंटेलिजन्स “Smart Tech, Safe Choices – Exploring the Safe and Responsible Use of Artificial Intelligence (AI)” ही संकल्पना ठेवण्यात आली होती.
जिल्हाधिकारी कार्यालयातील जिल्हा नियोजन समिती सभागृहात झालेल्या या कार्यक्रमास जिल्हा सूचना व विज्ञान अधिकारी यासीन पटेल, जिल्हाधिकारी कार्यालयातील अधिकारी व कर्मचारी उपस्थित होते. यावेळी जिल्हाधिकारी अशोक काकडे यांनी सायबर सुरक्षा, इंटरनेटचा सुरक्षित वापर, सोशल मीडिया वापरताना घ्यावयाची काळजी याबाबत मार्गदर्शन केले.
जिल्हा पोलीस अधीक्षक कार्यालयातील सायबर शाखेचे कर्मचारी आणि जिल्हा अग्रणी बँकेचे अधिकारी यांनी सायबर गुन्हे, ऑनलाइन फसवणूक, फिशिंग हल्ले, सुरक्षित पासवर्ड व्यवस्थापन, डिजिटल स्वच्छता (Digital Hygiene) आणि बँकिंग व्यवहार करताना घ्यावयाची काळजी याबाबत सविस्तर माहिती दिली.
या कार्यशाळेत जिल्हाधिकारी कार्यालयातील अधिकारी-कर्मचारी, अण्णासाहेब डांगे अभियांत्रिकी महाविद्यालय, आष्टा चे विद्यार्थी व प्राध्यापक उपस्थित होते.
हेही वाचा: सांगलीत संजय गांधी निराधार योजना व श्रावणबाळ योजनेसाठी 118 पैकी 94 प्रकरणे पात्र.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
