सांगली : सांगली-मिरज-कुपवाड महानगरपालिकेचे नूतन महापौर धीरज सूर्यवंशी यांनी पदभार स्वीकारल्यानंतर प्रशासकीय कामकाजाला गती देण्याचे संकेत दिले असून प्रलंबित विकास प्रस्ताव व नागरिकांच्या तक्रारींचा आढावा घेण्यासाठी सर्व खातेप्रमुखांची विस्तृत बैठक घेतली.
कै. राजाभाऊ जगदाळे सभागृहात झालेल्या या बैठकीत उपमहापौर गजानन मगदूम, सभागृह नेते संदीप आवटी तसेच सर्व विभागप्रमुख उपस्थित होते. बैठकीत प्रत्येक विभागाकडून सध्याच्या कामकाजाची स्थिती, प्रलंबित फाईली आणि शासन स्तरावर अडकलेले प्रस्ताव याची सविस्तर माहिती सादर करण्यात आली.
महापौर सूर्यवंशी यांनी प्रशासनाला स्पष्ट निर्देश देत, “नागरिकांच्या दैनंदिन अडचणींशी संबंधित कामांना प्राधान्य द्यावे. कोणतीही फाईल विनाकारण प्रलंबित राहू नये,” असे सांगितले. घरपट्टी, स्वच्छता, पाणीपुरवठा आणि मूलभूत नागरी सुविधा याबाबत स्वतंत्र बैठका घेऊन निर्णय प्रक्रियेला वेग देण्याचा निर्णय घेण्यात आला आहे.
राज्य शासनाकडे प्रलंबित असलेल्या विकास प्रस्तावांना गती देण्यासाठी संबंधित मंत्र्यांमार्फत पाठपुरावा करण्यात येणार असल्याची माहितीही बैठकीत देण्यात आली. आगामी पाच ते सहा दिवसांत विभागनिहाय विशेष आढावा बैठका घेण्यात येणार आहेत.
महापालिकेचा कारभार अधिक पारदर्शक व लोकाभिमुख करण्याचा निर्धार व्यक्त करत, नव्या नेतृत्वाने शहर विकासाला प्राधान्य देण्याचे संकेत दिले आहेत. या निर्णयांमुळे प्रलंबित कामांना वेग मिळेल, अशी अपेक्षा नागरिकांकडून व्यक्त होत आहे.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
