सांगली : सांगली, मिरज आणि कुपवाड शहर महानगरपालिका सार्वत्रिक निवडणूक २०२६ च्या पार्श्वभूमीवर आज सांगली शहरात आयोजित पत्रकार परिषदेत भारतीय जनता पक्षाकडून महापालिका निवडणुकीसाठीचा जाहीरनामा सादर करण्यात आला. या पत्रकार परिषदेला सांगलीचे आमदार सुधीर गाडगीळ उपस्थित होते.
या जाहीरनाम्यात शहराच्या सर्वांगीण विकासासाठी पायाभूत सुविधा, स्वच्छता व्यवस्था, पाणीपुरवठा, रस्ते, आरोग्य सेवा, शिक्षण व्यवस्था, महिला व युवक सक्षमीकरण यांसह आधुनिक शहरनिर्मितीशी संबंधित विविध मुद्द्यांचा समावेश करण्यात आल्याची माहिती देण्यात आली. स्मार्ट सिटीच्या धर्तीवर सांगली, मिरज आणि कुपवाड शहराचा विकास करण्याचा पक्षाचा दृष्टिकोन यावेळी मांडण्यात आला.
पत्रकार परिषदेत बोलताना भाजप नेत्यांनी सांगली शहरासमोरील दैनंदिन नागरी प्रश्न, मूलभूत सुविधा आणि प्रशासनाशी संबंधित अडचणी लक्षात घेऊन जाहीरनामा तयार करण्यात आल्याचे नमूद केले. पाणीपुरवठा, स्वच्छता, आरोग्य सेवा आणि रस्ते यासारख्या विषयांना प्राधान्य देण्यात आल्याचेही यावेळी स्पष्ट करण्यात आले.
या पत्रकार परिषदेला भाजपचे संघटन मंत्री मकरंद देशपांडे, माजी मंत्री तथा आमदार सुरेश खाडे, माजी आमदार दिनकर पाटील, प्रदेश कार्यकारणी सदस्या नीताताई केळकर, दीपक बाबा शिंदे, भाजपा नेते पृथ्वीराज पाटील आणि जिल्हा व शहर पातळीवरील पदाधिकारी तसेच पत्रकार उपस्थित होते.
दरम्यान, सांगली–मिरज–कुपवाड महानगरपालिका निवडणुकीच्या पार्श्वभूमीवर विविध राजकीय पक्षांकडून प्रचाराची तयारी जोमात सुरु असून, जाहीरनाम्यांच्या माध्यमातून पक्षांची भूमिका आणि विकासाचे मुद्दे मतदारांसमोर मांडले जात आहेत.
हेही वाचा: येडेनिपाणी येथे ‘समृद्ध ग्राम अभियान’ जनजागृती कार्यक्रम; महिलांचा मोठा सहभाग.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
