सांगली : सांगली, मिरज व कुपवाड शहर महानगरपालिकेतील सत्तास्थापनेच्या पार्श्वभूमीवर अनपेक्षित राजकीय हालचालींना वेग आला आहे. महापौर व उपमहापौर निवडीपूर्वी भाजप आणि राष्ट्रवादी (अजित पवार गट) पक्षाच्या नेत्यांची येथील एका हॉटेलमध्ये बैठक झाली. या बैठकीत राष्ट्रवादी (शरदचंद्र पवार) पक्षाचे नगरसेवकही उपस्थित असल्याची माहिती समोर येताच शहराच्या राजकीय वर्तुळात चर्चांना उधाण आले आहे.
महापालिका निवडणुकीत भाजपविरोधात काँग्रेस व राष्ट्रवादी (शरदचंद्र पवार) पक्षाने आघाडी केली होती. मात्र निकालानंतर कोणत्याही पक्षाला स्पष्ट बहुमत न मिळाल्याने सत्तास्थापनेसाठी पडद्यामागे हालचाली सुरू झाल्या. त्यातच भाजप व राष्ट्रवादी (अजित पवार गट) युतीची घोषणा झाल्यानंतर राजकीय चित्र अधिकच गुंतागुंतीचे झाले आहे.
भाजपकडून काँग्रेस वगळता इतर सर्व पक्षांना सत्तेत सामावून घेण्याचा प्रयत्न सुरू असल्याचे संकेत मिळत आहेत. अशातच हॉटेलमधील झालेली ही बैठक या दृष्टीने महत्त्वाची मानली जात आहे.
बैठकीला दोन्ही पक्षांचे प्रमुख नेते, गटनेते व नगरसेवक उपस्थित होते. मात्र राष्ट्रवादी (शरदचंद्र पवार) पक्षाची अधिकृत भूमिका काय असेल, याबाबत अद्याप स्पष्टता नाही. या पार्श्वभूमीवर “महापालिकेत नवे राजकीय समीकरण तयार होते आहे का?” असा सवाल उपस्थित केला जात आहे.
सांगली महापालिकेतील सत्तासमीकरण पुढील काही दिवसांत कोणत्या दिशेने वळणार, याकडे शहरवासियांचे लक्ष लागले आहे.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
