Sangli Municipal Corporation Election | सांगली : आगामी महापालिका निवडणुकांच्या पार्श्वभूमीवर महायुतीतील जागावाटपाचा पेच आज सुटण्याची शक्यता आहे. भाजप, राष्ट्रवादी काँग्रेस (अजित पवार गट) आणि एकनाथ शिंदे यांच्यातील जागावाटपावर अंतिम चर्चा करण्यासाठी आज पालकमंत्री चंद्रकांत पाटील यांच्या उपस्थितीत महत्त्वपूर्ण बैठक होणार आहे.
या बैठकीसाठी शिंदेसेना, जनसुराज्य शक्ती पक्ष तसेच रिपब्लिकन पार्टी ऑफ इंडिया (आरपीआय)च्या पदाधिकाऱ्यांना निमंत्रण देण्यात आले आहे. निवडणुकीचा बिगुल वाजल्यानंतर महायुतीतील सर्व पक्षांनी इच्छुक उमेदवारांच्या मुलाखती घेऊन संभाव्य उमेदवारांची प्राथमिक यादी तयार केली आहे.
मिळालेल्या माहितीनुसार, राष्ट्रवादी काँग्रेसने महापालिकेत 30 जागांची मागणी केली असून, शिंदेसेनेने 20 जागांवर दावा केला आहे. रिपब्लिकन पार्टी ऑफ इंडियानेही पाच जागांची मागणी केल्याचे समजते. त्यामुळे जागावाटपाचा अंतिम फॉर्म्युला ठरवताना भाजपसमोर मोठे आव्हान उभे राहिले आहे.
दरम्यान, भाजपकडे प्रत्येक प्रभागासाठी स्वतःचेच पाच ते सहा इच्छुक असल्याने उमेदवार निश्चितीची प्रक्रिया अधिक गुंतागुंतीची ठरत आहे. भाजपचे प्रभागनिहाय सर्वेक्षण सध्या अंतिम टप्प्यात असून, या सर्वेक्षणाच्या अहवालानंतरच उमेदवारांची अंतिम यादी जाहीर केली जाण्याची शक्यता आहे.
आजच्या बैठकीकडे महायुतीतील सर्व पक्षांचे लक्ष लागले असून, जागावाटपावर एकमत न झाल्यास निवडणूकपूर्व राजकीय ताणतणाव वाढण्याची चिन्हे दिसत आहेत.
हेही वाचा: महात्मा फुले जन आरोग्य योजनेचे नियम धुडकावले; मिरजमधील रुग्णालयांवर कारवाई, एक निलंबित, दुसऱ्याला नोटीस.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
