सांगली : महाराष्ट्र शासनाच्या आपले सरकार सेवा केंद्र उपक्रमांतर्गत नागरिकांसाठी विविध शासकीय सेवा एकाच ठिकाणी सुलभ व वेळेत उपलब्ध करून देण्यात आल्या आहेत. सांगली जिल्ह्यातील नागरिकांनी या ऑनलाईन सेवांचा जास्तीत जास्त लाभ घ्यावा, असे आवाहन सांगलीचे जिल्हाधिकारी अशोक काकडे यांनी केले आहे.
जिल्ह्यातील आपले सरकार सेवा केंद्र, तालुकास्तरावरील सेतू सुविधा केंद्र तसेच आपले सरकार पोर्टलवर स्वतः लॉगिन करून नागरिक विविध शासकीय सेवांचा ऑनलाईन पद्धतीने लाभ घेऊ शकतात. शासनाच्या या पोर्टलवरून अनेक सेवा सहज उपलब्ध करून देण्यात आल्या आहेत.
या अंतर्गत उत्पन्न दाखला, जात प्रमाणपत्र, रहिवाशी दाखला, नॉन क्रिमिलेअर प्रमाणपत्र, ज्येष्ठ नागरिक दाखला यासह एकूण ११ शासकीय सेवा ऑनलाईन उपलब्ध आहेत. या सर्व सेवा शासनमान्य असून पारदर्शक व विश्वासार्ह प्रक्रियेतून कमीतकमी वेळेत नागरिकांना देण्यात येत असल्याचे प्रशासनाने स्पष्ट केले आहे.
प्रसिद्धी पत्रकानुसार, १ एप्रिल २०२५ पासून आजपर्यंत सांगली जिल्ह्यात ६ लाख ६२ हजार ५९८ शासकीय सेवा नागरिकांना देण्यात आल्या आहेत. यापैकी ६ लाख २९ हजार ६९० सेवा (९७.१९ टक्के) विहित कालावधीत पूर्ण करण्यात आल्याची माहिती देण्यात आली आहे.
नागरिकांनी दलालांवर अवलंबून न राहता शासनाच्या अधिकृत पोर्टल व सेवा केंद्रांचा वापर करून वेळ, खर्च आणि श्रमांची बचत करावी, असे आवाहन जिल्हा प्रशासनाकडून करण्यात आले आहे.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
