सांगली : शनिवारी पार पडलेल्या जिल्हा परिषद व पंचायत समिती निवडणुकीसाठी सरासरी 69.76 टक्के मतदान झाले असल्याची माहिती अधिकृत आकडेवारीतून समोर आली आहे. या निवडणुकीतीसाठीची मतमोजणी सोमवार, दिनांक 9 फेब्रुवारी 2026 रोजी जिल्ह्यात एकूण 191 टेबलवर 122 फेऱ्यांमध्ये होणार असून, त्यासाठी प्रशासन पूर्णतः सज्ज झाले आहे.
जिल्हा परिषदेसाठी 61 निवडणूक विभाग व दहा पंचायत समित्यांच्या 122 निर्वाचन गणांसाठी हे मतदान पार पडले. संपूर्ण जिल्ह्यातील मतमोजणी प्रक्रिया शांततेत व सुरळीत पार पडावी यासाठी आवश्यक त्या सर्व प्रशासकीय व सुरक्षा उपाययोजना करण्यात आल्या आहेत.
तालुकानिहाय मतमोजणीसाठी टेबल व फेऱ्यांची संख्या पुढीलप्रमाणे निश्चित करण्यात आली आहे. आटपाडी येथे 18 टेबलवर 12 फेऱ्या, जत येथे 27 टेबलवर 13 फेऱ्या, खानापूर (विटा) येथे 16 टेबलवर 9 फेऱ्या, कडेगाव येथे 16 टेबलवर 11 फेऱ्या, तासगाव येथे 20 टेबलवर 12 फेऱ्या, कवठेमहांकाळ येथे 16 टेबलवर 9 फेऱ्या, पलूस येथे 14 टेबलवर 9 फेऱ्या, वाळवा येथे 22 टेबलवर 19 फेऱ्या, शिराळा येथे 20 टेबलवर 9 फेऱ्या तर मिरज येथे 22 टेबलवर 19 फेऱ्यांमध्ये मतमोजणी होणार आहे.
तालुकानिहाय मतमोजणीची ठिकाणेही निश्चित करण्यात आली असून, आटपाडी येथे तहसील कार्यालयातील नवीन प्रशासकीय इमारतीतील पहिल्या मजल्यावरील हॉल, जत येथे जुने शासकीय धान्य गोदाम, खानापूर (विटा) येथे बळवंत कॉलेजमधील इनडोअर स्पोर्ट्स फॅसिलिटी सेंटर, कडेगाव येथे औद्योगिक प्रशिक्षण संस्था (ITI), तासगाव येथे शासकीय बहुउद्देशीय कक्ष, कवठेमहांकाळ येथे मध्यवर्ती प्रशासकीय इमारतीसमोरील मोकळी जागा, पलूस येथे दिवाणी न्यायालयाजवळील मध्यवर्ती प्रशासकीय इमारत, वाळवा येथे ईश्वरपूर येथील शासकीय धान्य गोदाम, शिराळा येथे शासकीय औद्योगिक प्रशिक्षण संस्था तर मिरज येथे वैरण बाजार येथील शासकीय नवीन धान्य गोदामात मतमोजणी पार पडणार आहे.
मतमोजणी प्रक्रिया पारदर्शक, सुरळीत व शांततेत पार पडावी यासाठी सर्व संबंधित विभागांना सतर्क राहण्याच्या सूचना देण्यात आल्या असून, कोणताही अनुचित प्रकार घडू नये यासाठी कडेकोट पोलीस बंदोबस्त ठेवण्यात येणार असल्याचे प्रशासनाकडून स्पष्ट करण्यात आले आहे.
हेही वाचा: दहावी–बारावी परीक्षा कॉपीमुक्त करण्यासाठी सांगली जिल्हा परिषद सज्ज; भरारी पथके व तांत्रिक यंत्रणांचा वापर.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
