सांगली : राज्य निवडणूक आयोगाने जिल्हा परिषद आणि पंचायत समित्यांच्या सार्वत्रिक निवडणुक कार्यक्रम जाहीर केला असून, सांगली जिल्ह्यात ५ फेब्रुवारी २०२६ रोजी मतदान, तर ७ फेब्रुवारी २०२६ रोजी मतमोजणी होणार आहे. जिल्हाधिकारी अशोक काकडे यांनी ही माहिती दिली.
या निवडणूक कार्यक्रमात जिल्हा परिषद सांगलीसह आटपाडी, जत, खानापूर (विटा), कडेगाव, तासगाव, कवठेमहांकाळ, पलूस, वाळवा–ईश्वरपूर, शिराळा आणि मिरज या दहा पंचायत समित्यांचा समावेश आहे. राज्यातील एकूण १२ जिल्हा परिषद व त्याअंतर्गत १२५ पंचायत समित्यांसाठी ही निवडणूक होणार आहे.
निवडणूक कार्यक्रम जाहीर झाल्याने संबंधित क्षेत्रात आदर्श आचारसंहिता लागू झाली आहे. सर्व राजकीय पक्ष, उमेदवार व कार्यकर्त्यांनी आचारसंहितेचे तंतोतंत पालन करावे, असे आवाहन जिल्हाधिकारी अशोक काकडे यांनी केले आहे.
निवडणूक प्रक्रिया शांततेत, पारदर्शक आणि सुरळीत पार पाडण्यासाठी प्रशासनास सहकार्य करण्याचे आवाहनही जिल्हा प्रशासनाकडून करण्यात आले आहे. निवडणूक काळात कायदा व सुव्यवस्था अबाधित ठेवण्यासाठी आवश्यक उपाययोजना राबवण्यात येणार असल्याचेही स्पष्ट करण्यात आले आहे.
हेही वाचा: प्रचार जोमात; मोबाईलवर येणाऱ्या ऑटो कॉल्समुळे नागरिक त्रस्त.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
