सांगली : जिल्हा परिषद व पंचायत समिती सार्वत्रिक निवडणूक–2026 चा कार्यक्रम जाहीर झाल्यानंतर सांगली जिल्ह्यात कायदा व सुव्यवस्था राखण्यासाठी जिल्हाधिकारी तथा जिल्हा दंडाधिकारी अशोक काकडे यांनी महत्त्वाचा आदेश निर्गमित केला आहे. या आदेशानुसार १४ जानेवारी २०२६ रोजी 00.01 वाजल्यापासून ते १० फेब्रुवारी २०२६ रोजी रात्री 11.59 वाजेपर्यंत सांगली जिल्ह्याच्या हद्दीत कोणत्याही प्रकारची हत्यारे किंवा दारुगोळा बाळगून फिरण्यास मनाई करण्यात आली आहे.
राज्य निवडणूक आयोगाच्या निर्देशानुसार जिल्हा परिषद व पंचायत समिती निवडणूक प्रक्रिया शांततेत व सुरळीत पार पडावी, या उद्देशाने हा आदेश लागू करण्यात आला आहे. भारतीय नागरिक सुरक्षा संहिता, 2023 मधील कलम 163 अंतर्गत जिल्हाधिकाऱ्यांना प्राप्त अधिकारांचा वापर करून हा प्रतिबंधात्मक आदेश काढण्यात आला आहे.
दरम्यान, कायदेशीर कर्तव्य बजावत असलेले शासकीय कर्मचारी या आदेशातून वगळण्यात आले असून, इतर सर्व नागरिकांवर हा आदेश लागू राहणार असल्याचे स्पष्ट करण्यात आले आहे. आदेशाचे उल्लंघन केल्यास संबंधितांवर कायदेशीर कारवाई करण्यात येणार असल्याचा इशाराही प्रशासनाकडून देण्यात आला आहे.
हेही वाचा: स्व. यशवंतराव चव्हाण राज्य वाङ्‌मय पुरस्कारासाठी प्रवेशिका व पुस्तके पाठविण्याची मुदत ३० जानेवारीपर्यंत.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
