सांगली : सांगली-मिरज-कुपवाड महानगरपालिकेचा २०२६-२७ साठी १०६५.२४ कोटी रुपयांचा अर्थसंकल्प सादर करण्यात आला असून यात थेट नागरिकांशी संबंधित पाणीपुरवठा, स्वच्छता, लाईट आणि पर्यावरण यासाठी कोट्यवधींची तरतूद करण्यात आली आहे.
सांगलीच्या या अर्थसंकल्पात शहरातील मूलभूत सेवांवर विशेष भर देण्यात आला आहे. शुद्ध पाणीपुरवठ्यासाठी २३.८५ कोटी रुपये, घनकचरा व्यवस्थापनासाठी ४०.०५ कोटी रुपये तर शहरातील दिवाबत्ती व्यवस्थेसाठी ४१.१० कोटी रुपये खर्च करण्याचा प्रस्ताव आहे.
अर्थसंकल्पात पर्यावरणाच्या दृष्टीनेही काही महत्त्वाचे निर्णय घेण्यात आले आहेत. कृष्णा नदी प्रदूषणमुक्ती, सरोवर पुनरुज्जीवन यांसाठी ३३.६४ कोटी तर एलईडी पथदिवे, ई-बस आणि सौर प्रकल्पांसाठी ५७.६० कोटी रुपयांची तरतूद करण्यात आली आहे.
दरम्यान, मनपाच्या उत्पन्नात जीएसटी अनुदान आणि मालमत्ता कराचा मोठा वाटा असून एकूण ४३३.५७ कोटी महसूल अपेक्षित आहे. वाढत्या शहराच्या गरजांनुसार कर्मचारी व सेवांसाठी २३२.३२ कोटींचा खर्चही प्रस्तावित करण्यात आला आहे.
हेही वाचा: ‘गुरुजी’ म्हणाले गुप्तधन काढतो, मुलाला बरा करतो… मिरजेत महिलेची ३.२२ लाखांची फसवणूक.
- संखमध्ये महावितरण कर्मचाऱ्याचा गोळ्या झाडून खून; तीन तासांत दोघांना अटक
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
- सांगलीत डॉ. बाबासाहेबांचे जगातील सर्वात मोठे, पहिले रियलॅस्टिक मल्टी-कलर स्ट्रिंग आर्ट
- जतजवळ ट्रेलरची दुचाकीला धडक; 25 वर्षीय तरुणाचा मृत्यू
- सांगलीतील 152 ग्रामपंचायतींची प्रभाग रचना बदलणार? 13 एप्रिलपर्यंत हरकती नोंदवता येणार
- जत : उमदीजवळ भीषण अपघात; ट्रकच्या धडकेत कार चालकाचा मृत्यू, सहा जखमी
