सांगली : सांगली-मिरज-कुपवाड महानगरपालिका निवडणुकीची घोषणा या महिन्याच्या अखेरीस होण्याची शक्यता असताना काँग्रेसने निवडणूक तयारीला वेग दिला आहे. भाजपकडून उमेदवार निवडीची प्रक्रिया सुरू झाल्यानंतर आता काँग्रेसनेही प्रभागनिहाय इच्छुकांकडून उमेदवारी अर्ज मागवण्याचे काम सुरु केले आहे.
सध्या शहर-जिल्हाध्यक्ष पद रिक्त असल्याने पक्ष निरीक्षक अमर खानापुरे यांनी पक्षातर्फे प्रभागनिहाय इच्छुकांकडून उमेदवारी अर्ज मागवण्याचे आवाहन केले आहे. इच्छुक उमेदवारांनी आपले अर्ज थेट जिल्हा काँग्रेस कमिटीकडे सादर करावेत, असे आवाहन करण्यात आले आहे.
काँग्रेस प्रदेशाध्यक्ष हर्षवर्धन संकपाळ यांच्या नेतृत्वाखाली राज्यातील महापालिका निवडणुका ताकदीने लढवण्याचा पक्षाचा निर्धार असून, सांगली जिल्ह्यात आमदार विश्वजित कदम आणि खासदार विशाल पाटील यांच्या नेतृत्वाखाली निवडणूक लढवली जाणार असल्याचे पक्ष सूत्रांकडून सांगण्यात आले.
महापालिका निवडणुकीच्या पार्श्वभूमीवर काँग्रेसकडून संघटन मजबूत करण्यावर भर देण्यात येत असून, स्थानिक पातळीवर इच्छुकांची चाचपणी करून सक्षम उमेदवार मैदानात उतरवण्याचा पक्षाचा प्रयत्न आहे.
हेही वाचा: अवैध गौण खनिज माती वाहतुकीवर महसूल विभागाची कडक कारवाई; दोन ट्रॅक्टर व जेसीबी जप्त.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
