विटा : विटा शहरात बांधकाम अपूर्ण असताना बनावट पालिका कागदपत्रांच्या आधारे तळमजल्यावरील दोन गाळ्यांची विक्री करून 21 लाख 80 हजार रुपयांची फसवणूक केल्याचा प्रकार उघडकीस आला आहे. या प्रकरणी विटा पोलिस ठाण्यात दोन जणांविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, विमा व्यावसायिक आशिष रवींद्र दिवटे यांनी या संदर्भात फिर्याद दिली आहे. फिर्यादीत नमूद केल्यानुसार, संबंधित आरोपींनी विटा येथील सिटी सर्व्हे नंबर 1603 मधील जागेवर व्यापारी गाळे व अपार्टमेंट बांधण्याचे आश्वासन दिले होते. त्यासाठी बांधकाम परवाना, प्रारंभ प्रमाणपत्र तसेच बांधकाम पूर्णत्वाचा पालिकेचा दाखला असल्याचे भासवून बनावट कागदपत्रे सादर करण्यात आली.
बनावट कागदपत्रांच्या आधारे विकास करारानुसार तळमजल्यावरील दक्षिण बाजूचे दोन गाळे 21 लाख 80 हजार रुपयांना विकल्याचा आरोप आहे. यासंदर्भातील खरेदीपत्र 28 जून 2023 रोजी विटा येथील दुय्यम निबंधक कार्यालयात नोंदविण्यात आले होते.
नंतर संबंधित कागदपत्रांची खातरजमा केली असता, विटा पालिकेकडून अशी कोणतीही अधिकृत परवानगी किंवा दाखले देण्यात आलेले नसल्याचे समोर आल्याचे फिर्यादीत नमूद करण्यात आले आहे. त्यामुळे आर्थिक फसवणूक झाल्याचा आरोप करत संबंधित दोघांविरुद्ध विटा पोलिस ठाण्यात गुन्हा दाखल करण्यात आला असून पोलिसांकडून पुढील तपास सुरू आहे.
हेही वाचा: सांगली महापालिका निवडणुकीसाठी उमेदवारी अर्ज प्रक्रिया आजपासून सुरु; 31 डिसेंबरला छाननी.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
