सांगली : उत्पन्नवाढीसाठी आणि आर्थिक तूट कमी करण्याच्या उद्देशाने महाराष्ट्र राज्य मार्ग परिवहन महामंडळ (एसटी) सांगली विभागात स्वतःच्या जागेवर व्यावसायिक तत्त्वावर पेट्रोल, डिझेल तसेच सीएनजी विक्रीचे पंप सुरू करण्याच्या दृष्टीने हालचाली सुरू करण्यात आल्या आहेत. यासाठी जिल्ह्यातील योग्य जागांची पाहणी व अभ्यास सुरू असल्याची माहिती विभाग नियंत्रक सुनील भोकरे यांनी दिली.
एसटी महामंडळाला सांगली जिल्ह्यात दररोज सुमारे 60 हजार लिटर डिझेलची आवश्यकता भासते. सध्या हे इंधन सार्वजनिक क्षेत्रातील तेल कंपन्यांकडून खरेदी करण्यात येते. स्वतःचा पेट्रोल पंप उभारल्यास इंधन खरेदीदरम्यान होणाऱ्या कमिशन व इतर खर्चात बचत होण्याची शक्यता असल्याचे प्रशासनाकडून सांगण्यात आले आहे.
महामंडळाच्या उत्पन्नाचा मुख्य स्रोत प्रवासी तिकीट विक्री असून, अनेक फेऱ्या विशेषतः शहरी बस सेवा सध्या तोट्यात असल्याचे चित्र आहे. या पार्श्वभूमीवर अतिरिक्त उत्पन्नाचे पर्याय शोधणे आवश्यक बनले असून, व्यावसायिक इंधन विक्री हा त्यातील एक पर्याय म्हणून पाहिला जात आहे.
एसटी महामंडळाकडे प्रत्येक डेपोत आधीपासूनच अंतर्गत वापरासाठी इंधन पंप असून, त्याच्या देखभालीचा अनुभव व प्रशिक्षित कर्मचारी उपलब्ध आहेत. त्यामुळे भविष्यात सर्वसामान्य ग्राहकांसाठी खुले असलेले पेट्रोल व डिझेल पंप सुरू करणे शक्य असल्याचे प्रशासनाचे मत आहे. यासोबतच सीएनजी विक्री आणि इलेक्ट्रिक वाहनांसाठी चार्जिंग पॉइंट्स उभारण्याचाही विचार करण्यात येत आहे.
इंधन विक्री पंपासाठी रस्त्यालगत व व्यावसायिकदृष्ट्या अनुकूल ठिकाणांची आवश्यकता असल्याने, एसटी महामंडळाच्या मालकीच्या जागांचे सर्वेक्षण सध्या सुरू असून, सर्वेक्षणानंतर पुढील निर्णय घेण्यात येणार असल्याचे सांगण्यात आले आहे.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
