विटा : विविध शासकीय योजना आणि मोफत कायदेशीर मदत एकाच ठिकाणी उपलब्ध करून देणारा विधी सेवा व शासकीय योजनांचा महामेळावा विटा येथे उत्साहात पार पडला. महसूल, कृषी, आरोग्य, शिक्षण, उद्योग, परिवहन, महावितरण, सैनिक कल्याण आदी विभागांचे एकूण 40 स्टॉल नागरिकांसाठी उभारण्यात आले होते.
या स्टॉलवर नागरिकांना सरकारी योजनांची माहिती, अर्ज प्रक्रिया आणि आवश्यक कागदपत्रांबाबत मार्गदर्शन करण्यात आले. काही लाभार्थींना प्रातिनिधिक स्वरूपात योजनांचा लाभही देण्यात आला.
मुंबई उच्च न्यायालयाच्या न्यायमूर्ती भारती डांगरे यांनी यावेळी विधी सेवा प्राधिकरणामार्फत गरजू व आर्थिकदृष्ट्या दुर्बल घटकांना मोफत कायदेशीर सल्ला व वकील सुविधा उपलब्ध करून दिली जाते, याची माहिती दिली. न्यायालयीन प्रक्रियेत अडचण येणाऱ्या नागरिकांनी या सुविधेचा लाभ घ्यावा, असे आवाहन त्यांनी केले.
महामेळाव्यात महिलांवरील अत्याचार, पोक्सो कायदा, ज्येष्ठ नागरिकांचे हक्क यांसंदर्भातही जनजागृती करण्यात आली. विविध विभागांच्या अधिकाऱ्यांनी प्रत्यक्ष उपस्थित राहून नागरिकांच्या शंकांचे निरसन केले.
कार्यक्रमास न्यायालयीन अधिकारी, जिल्हा प्रशासन आणि विविध विभागांचे प्रतिनिधी उपस्थित होते.
हेही वाचा: जिल्हा परिषद अध्यक्षपदावर सांगलीत राजकीय संग्राम; अजित पवार गटाच्या अटीने महायुतीसमोर नवे आव्हान.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
