सांगली : विटा पोलिसांनी मोठी कारवाई करत दोन सराईत दुचाकी चोरट्यांना अटक केली असून, त्यांच्याकडून सुमारे १ लाख ४८ हजार रुपये किमतीच्या चार दुचाकी जप्त करण्यात आल्या आहेत. या अटकेमुळे विटा पोलिस ठाण्याच्या हद्दीतील चार दुचाकी चोरीचे गुन्हे उघडकीस आले आहेत.
अटक करण्यात आलेल्या संशयितांची नावे सुशांत उत्तम सोनवणे (वय २५) आणि शुभम किसन भिसे (वय १९, दोघे रा. मायणी, ता. खटाव, जि. सातारा) अशी आहेत. खानापूर तालुक्यातील माहुली येथून २६ डिसेंबर २०२५ रोजी गणेश पांडुरंग माने यांची दुचाकी चोरीला गेल्याची तक्रार विटा पोलिस ठाण्यात दाखल झाली होती.
या गुन्ह्याचा तपास सुरू असताना पोलिस निरीक्षक धनंजय फडतरे यांनी गुन्हे प्रकटीकरण पथकाला विशेष सूचना दिल्या होत्या. दरम्यान, विटा–खानापूर रस्त्यावरील शिलंगण मैदान परिसरात दोन तरुण विना-नंबर दुचाकीसह संशयास्पदरीत्या थांबले असल्याची माहिती पोलिसांना मिळाली.
मिळालेल्या माहितीच्या आधारे पोलिसांनी तातडीने सापळा रचून दोघांना ताब्यात घेतले. सुरुवातीला त्यांनी उडवाउडवीची उत्तरे दिली, मात्र पोलिसी चौकशीत त्यांनी माहुलीसह विटा परिसरातील विविध ठिकाणांहून चार दुचाकी चोरी केल्याची कबुली दिली.
या कारवाईत पोलिस अधीक्षक संदीप घुगे, अप्पर पोलिस अधीक्षक कल्पना बारावकर, उपविभागीय पोलिस अधिकारी विपुल पाटील यांच्या मार्गदर्शनाखाली निरीक्षक धनंजय फडतरे, संजय हारुगडे, उत्तम माळी, विलास मोहिते, महेश देशमुख, महेश संकपाळ, अक्षय जगदाळे, अभिजित पाटील व अजय पाटील यांच्या पथकाने सहभाग घेतला. विटा पोलिसांकडून या प्रकरणाचा पुढील तपास सुरू आहे.
हेही वाचा: सरकारी नोकरी लावण्याचे आमिष; ईश्वरपूरमध्ये 13 लाखांची फसवणूक, हवालदारासह चौघांविरुद्ध गुन्हा दाखल.
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
- संखमध्ये महावितरण कर्मचाऱ्याचा गोळ्या झाडून खून; तीन तासांत दोघांना अटक
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
