पलूस : कराड–तासगाव रोडवरील बांबवडे परिसरात घडलेल्या अपघातात 71 वर्षीय सर्जेराव आनंदा जाधव यांचा दुर्दैवी मृत्यू झाला आहे. रस्ता ओलांडत असताना भरधाव वेगाने आलेल्या अज्ञात दुचाकीस्वाराने दिलेल्या जोरदार धडकेत ते गंभीर जखमी झाले. अपघातानंतर चालकाने घटनास्थळावरून पलायन केल्याचे पोलिसांकडून सांगण्यात आले.
9 डिसेंबर रोजी सायंकाळी अंदाजे 6.30 वाजता, संतोष पोल्ट्री फॉर्मजवळ ही दुर्घटना घडली. काळ्या रंगाच्या दुचाकी चालकाने निष्काळजीपणे वाहन चालवत पादचारी जाधव यांना धडक दिली.
घटनेनंतर मृताचा मुलगा संग्राम सर्जेराव जाधव (वय 22) यांनी पलूस पोलिस ठाण्यात तक्रार दाखल केली. अज्ञात दुचाकीस्वाराविरोधात गुन्हा नोंदवून पोलिसांनी तपास सुरू केला आहे. स्थानिक नागरिकांना सदर घटणेबाबत काही माहिती असल्यास त्यांनी पुढे येऊन माहिती द्यावी असे आवाहन पोलिसांकडून करण्यात आले आहे.
हेही वाचा: नोकरीच्या आमिषाने तरुणाला 18 लाखांचा गंडा; वाळव्यातील व्यक्तीवर गुन्हा दाखल.
📍 तालुक्यातील आणखी बातम्या 📍
