मिरज : मिरज शहरात वाढत्या दुचाकी चोरीच्या घटनांना आळा घालण्यात महात्मा गांधी चौक पोलीस ठाण्याच्या डी. बी. पथकाला यश आले आहे. पोलिसांनी मोटारसायकल चोरी करणाऱ्या दोन संशयितांना अटक करून त्यांच्याकडून सुमारे 2 लाख 40 हजार रुपये किमतीच्या दुचाकी जप्त केल्या आहेत.
सिनर्जी हॉस्पिटल परिसरातून मोटारसायकल चोरी झाल्याची तक्रार दाखल झाल्यानंतर पोलिसांनी तपासाची चक्रे वेगाने फिरवली. तपासादरम्यान मिळालेल्या गोपनीय माहितीनुसार रजपूत मंगल कार्यालय परिसरात सापळा रचण्यात आला. या कारवाईत आयुब अब्दुलरशीद मन्ना (वय 24) आणि संदीप सूर्यकांत येलूरकर (वय 38, दोघे रा. बुधगाव, ता. मिरज) यांना ताब्यात घेण्यात आले.
पोलिसी चौकशीत संशयितांनी मिरज शहरासह कर्नाटकातील सदलगा परिसरातूनही मोटारसायकली चोरी केल्याची कबुली दिली. त्यांच्या ताब्यातून चार दुचाकी जप्त करण्यात आल्या असून पुढील तपास सुरू आहे.
ही कारवाई पोलीस अधीक्षक संदीप घुगे, अपर पोलीस अधीक्षक कल्पना बारवकर आणि उपविभागीय पोलीस अधिकारी प्रणिल गिल्डा यांच्या मार्गदर्शनाखाली सहाय्यक पोलीस निरीक्षक संदीप शिंदे व डी. बी. पथकाने केली.
हेही वाचा: सांगली जिल्हा प्राथमिक शिक्षक सहकारी बँकेत लिपिक पदांची भरती; ऑनलाईन अर्ज प्रक्रिया सुरू.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
