मिरज : महानगरपालिका निवडणुकीची घोषणा होताच मिरजेत राजकीय घडामोडींना वेग आला असून, पक्षांतराच्या हालचालींनी जोर धरला आहे. काँग्रेस आणि राष्ट्रवादी काँग्रेस (शरद पवार गट) मधील काही आजी-माजी नगरसेवक व दिग्गज नेते थेट उपमुख्यमंत्री अजित पवार यांच्या संपर्कात आल्याची माहिती समोर आली आहे.
काल पुण्यातील बारामती हाऊस येथील विश्रामगृहात उपमुख्यमंत्री अजित पवार यांच्यासोबत सुमारे दीड तास बंदद्वार चर्चा झाली. आगामी महानगरपालिका निवडणुकीत अजित पवार गटातून उमेदवारी मिळावी, या उद्देशाने ही भेट झाल्याची राजकीय वर्तुळात चर्चा आहे.
या बैठकीस किशोर जामदार, करण जामदार, रमजान सतारमेकर, आनंदा देवमाने, संजय मेंढे, चंद्रकांत हुलवान, आझम काजी, माजी महापौर मैनुद्दीन बागवान, शिवाजी दुर्वे, अरिफ चौधरी यांच्यासह अनेक स्थानिक नेते उपस्थित होते. बैठकीदरम्यान मिरज-सांगलीतील राजकीय समीकरणे, निवडणुकीतील शक्यता आणि स्थानिक परिस्थितीवर सविस्तर चर्चा झाल्याचे समजते.
दरम्यान, आमदार इद्रिस नाईकवडी, पद्माकर जगदाळे आणि जिल्हाध्यक्ष निशिकांत पाटील यांनी पक्षप्रवेशाचा औपचारिक प्रस्ताव मांडला. मात्र किशोर जामदार यांनी अंतिम निर्णयासाठी चार दिवसांची मुदत मागितल्याने पक्षप्रवेशाची घोषणा तात्पुरती लांबणीवर पडली आहे.
महापालिका निवडणुकीच्या पार्श्वभूमीवर विरोधी पक्षांतील अस्वस्थता आणि सत्ताधारी गटाकडे होणारी हालचाल यामुळे मिरजेतील राजकीय चित्र लवकरच बदलण्याची शक्यता व्यक्त केली जात आहे.
हेही वाचा: बलगवडे सौर प्रकल्पाविरोधात ग्रामस्थांचा उद्रेक; शेळ्या-मेंढ्यांसह रास्ता रोको, वाहतूक ठप्प.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
