तासगाव : बलगवडे परिसरात प्रस्तावित सौर ऊर्जा प्रकल्पाविरोधात ग्रामस्थांचा रोष उफाळून आला आहे. रविवारी भिवघाट-तासगाव मार्गावरील बलगवडे फाट्यावर ग्रामस्थांनी शेळ्या-मेंढ्यांसह रास्ता रोको आंदोलन करत आपला निषेध नोंदवला. या आंदोलनामुळे काही काळ वाहतूक पूर्णपणे ठप्प झाली होती.
ग्रामस्थांच्या म्हणण्यानुसार, प्रकल्पासाठी गट क्रमांक १८० व १८२ मधील गायरान जमिनीवर मोठ्या प्रमाणावर वृक्षतोड सुरू आहे. या ठिकाणी पूर्वी बिहार पॅटर्न अंतर्गत सुमारे १५ हजार झाडे लावण्यात आली होती. त्यासाठी तब्बल दहा लाख रुपयांचा खर्च करण्यात आला होता. मात्र आता ही झाडे तोडली जात असल्याने पर्यावरणीय संतुलन बिघडण्याची भीती ग्रामस्थांनी व्यक्त केली आहे.
आंदोलनकर्त्यांनी प्रशासनावर गंभीर आरोप करत सांगितले की, चुकीच्या पंचनाम्यांच्या आधारे सौर प्रकल्पाला मंजुरी देण्यात आली असून ग्रामसभेचे ठराव डावलण्यात आले आहेत. ग्रामस्थांची मते ऐकून न घेता काम सुरू केल्याने संताप वाढल्याचे आंदोलनकर्त्यांनी स्पष्ट केले.
दरम्यान, ऑक्टोबर २०२५ मध्ये प्रकल्प कंपनीच्या कर्मचाऱ्यांशी ग्रामस्थांची वादावादी झाल्याचीही आठवण करून देण्यात आली. त्या वेळी शिवीगाळ व दमदाटी केल्याचे आरोप झाले होते. आता हा प्रकल्प पूर्णपणे रद्द झाल्याशिवाय आंदोलन मागे न घेण्याचा निर्धार ग्रामस्थांनी व्यक्त केला आहे.
९ डिसेंबरपासून या सौर प्रकल्पाविरोधात विविध स्वरूपाची आंदोलने सुरू असून, १२ डिसेंबरला गाव बंद तर १४ डिसेंबरला रास्ता रोको आंदोलन करण्यात आले. १५ डिसेंबरपासून कार्य बंद आंदोलनाची हाक देण्यात आली आहे. महाराष्ट्र राज्य किसान सभा आणि महिला आघाडीने या आंदोलनाला जाहीर पाठिंबा दिला आहे.
हेही वाचा: नवीन मीटरनंतर वीजबिल दुप्पट? सांगलीत नागरिकांमध्ये संताप.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
