Sangli News | सांगली : राज्य शासनाने महापालिका क्षेत्रातील मूलभूत नागरी सोयीसुविधांसाठी पुणे विभागातील पाच महापालिकांना एकूण ९० कोटी रुपयांचा निधी मंजूर केला आहे. मात्र या यादीत सांगली-मिरज-कुपवाड महानगरपालिकेचा समावेश नसल्याने शहराच्या पदरी निराशा पडली आहे.
राज्य सरकारने २०२५-२६ या आर्थिक वर्षासाठी नागरी सुविधा विकासासाठी ९० कोटी रुपयांची तरतूद केली होती. या निधीपैकी पहिल्या टप्प्यात २२ कोटी ५० लाख रुपये वितरित करण्यास शनिवारी (दि. १३) मंजुरी देण्यात आली. हा निधी पुणे, पिंपरी-चिंचवड, कोल्हापूर, सोलापूर आणि इचलकरंजी या महापालिकांना देण्यात येणार आहे.
शासनाच्या निर्णयानुसार हा निधी संबंधित जिल्हाधिकाऱ्यांकडे वर्ग करण्यात येत असून, तो केवळ नागरी सुविधा कामांसाठीच वापरण्याचे स्पष्ट निर्देश देण्यात आले आहेत. उर्वरित निधी टप्प्याटप्प्याने वितरित केला जाणार आहे.
सांगली महापालिकेला निधी का नाही?
महत्त्वाचे म्हणजे, नागरी पायाभूत सुविधा, रस्ते, पाणीपुरवठा, ड्रेनेज, स्वच्छता यांसाठी मोठ्या प्रमाणात निधीची गरज असतानाही सांगली-मिरज-कुपवाड महापालिकेला या योजनेतून वगळण्यात आले आहे. त्यामुळे प्रशासकीय व राजकीय पातळीवर नाराजी व्यक्त केली जात आहे.
महापालिकांना मंजूर व वितरित निधी (पहिला टप्पा)
पुणे महापालिका: मंजूर ४५ कोटी | वितरित ११.२५ कोटी
कोल्हापूर महापालिका: मंजूर ३० कोटी | वितरित ७.५० कोटी
पिंपरी-चिंचवड: मंजूर ५ कोटी | वितरित १.२५ कोटी
सोलापूर: मंजूर ५ कोटी | वितरित १.२५ कोटी
इचलकरंजी: मंजूर ५ कोटी | वितरित १.२५ कोटी
या यादीत सांगली-मिरज-कुपवाड महापालिकेचे नाव नसल्याने “निधी वाटपात अन्याय झाला का?” असा प्रश्न उपस्थित केला जात आहे.
महापालिका निवडणुकीच्या पार्श्वभूमीवर हा मुद्दा पुढील काळात राजकीय चर्चेचा केंद्रबिंदू ठरण्याची शक्यता व्यक्त केली जात आहे.
हेही वाचा: महापालिका निवडणूक जाहीर होताच सांगलीत राजकीय घडामोडींना वेग; पक्षप्रवेश व जागावाटपावरून हालचाली तीव्र.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
