Sangli Today | तासगाव : लोकसभा आणि विधानसभा निवडणुकांतील पराभवानंतर माजी खासदार संजय काका पाटील यांनी तासगाव नगरपरिषद निवडणुकीत जोरदार पुनरागमन करत आपली राजकीय ताकद पुन्हा एकदा सिद्ध केली आहे. स्वाभिमानी विकास आघाडीच्या उमेदवार विजया बाबासाहेब पाटील यांनी नगराध्यक्षपदाच्या निवडणुकीत 99 मतांनी विजय मिळवत काका गटाला दिलासा दिला आहे.
नगराध्यक्षपदाच्या लढतीत विजया पाटील यांना 9,451 मते मिळाली. अत्यंत चुरशीच्या लढतीत मिळालेल्या या विजयामुळे तासगावच्या राजकारणात काका गटाचे वर्चस्व कायम असल्याचे स्पष्ट झाले आहे. नगरसेवक पदाच्या निवडणुकीतही काका गटाचे सर्वाधिक उमेदवार निवडून आले आहेत.
एकूण 24 जागांच्या नगरपरिषदेत काका गटाचे 13 नगरसेवक, तर आमदार रोहित पाटील यांच्या गटाचे 11 नगरसेवक निवडून आले आहेत. दरम्यान, भाजपला या निवडणुकीत मोठा फटका बसला असून पक्षाला अपेक्षित यश मिळवता आले नाही. माजी नगराध्यक्ष अमोल शिंदे आणि जाफरभाई मुजावर यांचा पराभव हा या निवडणुकीतील महत्त्वाचा राजकीय धक्का मानला जात आहे.
विजयानंतर प्रतिक्रिया देताना नूतन नगराध्यक्षा विजया पाटील यांनी तासगावच्या सर्वांगीण विकासासाठी कटिबद्ध असल्याचे सांगितले. शहरातील पायाभूत सुविधा, नागरिकांच्या मूलभूत गरजा आणि विकासकामांना प्राधान्य दिले जाईल, असेही त्यांनी सांगितले.
तासगाव नगरपरिषदेच्या या निकालामुळे सांगली जिल्ह्यातील स्थानिक राजकारणात पुन्हा एकदा काका गटाची ताकद अधोरेखित झाली असून, आगामी राजकीय घडामोडींवर या निकालाचा प्रभाव राहण्याची शक्यता व्यक्त केली जात आहे.
हेही वाचा: सावर्डेत अज्ञाताने एक एकर द्राक्षबाग जाळली; शेतकऱ्याचे लाखोंचे नुकसान.
- सांगली जिल्ह्यातील शेतकऱ्यांना रब्बी ज्वारीचे बियाणे १००% मोफत; १८ हजार मिनिकीटचे वाटप, महाडीबीटीवर अर्ज करण्याचे आवाहन
- Ladki Bahin Yojana: लाडक्या बहिणींची दिवाळी गोड होणार! शासनाकडून ३४४ कोटींचा विशेष निधी मंजूर; खात्यात कधी जमा होणार ₹१,५००?
- Gold Rate Today: धनत्रयोदशीपूर्वी सोन्या-चांदीच्या भावात नरमाई; खरेदीपूर्वी पाहा पीएनजीचे आजचे २२K आणि २४K चे ताजे दर (२८ ऑक्टोबर २०२६)
- Ladki Bahin Yojana: हप्ते बंद झालेल्या महिलांना ₹४०,००० मिळणार? इन्स्टाग्रामवरील ‘त्या’ व्हायरल दाव्याचे सत्य समोर; शासनाने जारी केला सतर्कतेचा इशारा
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
